Valpoi: गोमंतकीय जनतेला सुखसमृद्धी लाभो, आरोग्‍यमंत्र्यांचे साकडे

Valpoi: सत्तरीतील आणि राज्‍यातील जनतेचे कल्‍याण होवो आणि त्‍यांना सुखसमृद्धी मिळो अशी प्रार्थना (Prayer) आपण श्री गणरायाकडे केली असल्‍याचे आरोग्‍यमंत्री विश्‍‍वजीत राणे यांनी सांगितले.

साखळी (Sanquelim) येथील आपल्‍या मूळ वाड्यावर निवासस्‍थानी श्री गणपतीचे पूजन केल्‍यानंतर राणे बोलत होते. राज्‍याचे माजी मुख्‍यमंत्री प्रतापसिंह राणे आणि विजयादेवी राणे यांनी मंत्रपुष्‍पांजलीच्‍या जयघोषात श्री गणरायाचे पूजन केले. या पूजनात मंत्री विश्‍‍वजीत राणे, पत्‍नी आमदार डॉ. दिव्‍या राणे आणि इतर कुटुंबीय यांनी सहभाग नोंदविला.

राणे यांच्‍या गणेशोत्‍सवाला शेकडो वर्षांची परंपरा असून चित्रशाळेपासून पालखीतून श्री गणरायाची मूर्ती आणून तिची प्रतिष्‍ठापना करण्‍याची परंपरा आहे. या सोहळ्‍यात राणे कटुंबीय सहभागी होतात. आपल्‍या नेहमीच्‍या कामांना फाटा देऊन चतुर्थीच्‍या या सोहळ्‍यात सहभागी होणे हा मंगलदायी आनंद असतो, असे राणे म्‍हणाले.