Belgaum Goa Highway: अर्धवट हत्ती ब्रिजचं काम सुरु होणार; बेळगाव-गोवा महामार्गावरील 'हा' रास्ता मार्ग दीड महिना बंद

Belgaum Goa Highway Closed: बेळगाव-गोवा महामार्गावरील खानापूर ते अनमोड दरम्यान सुरू असलेल्या चौपदरीकरणाच्या कामामुळे वाहनधारकांना पुन्हा एकदा मोठा त्रास सहन करावा लागण्याची शक्यता आहे. या मार्गावर अर्धवट स्थितीत असलेल्या 'हत्ती ब्रिज'चे काम लवकरच सुरू होणार असून, त्यासाठी हा मार्ग पुढील अडीच महिन्यांसाठी पूर्णपणे बंद ठेवला जाण्याची शक्यता आहे. यामुळे गोवा-कर्नाटक दरम्यान प्रवास करणाऱ्या प्रवाशांच्या चिंतेत वाढ झाली आहे.

ब्रिजच्या रुंदीवरून निर्माण झालेला वाद मिटला

बेळगाव-गोवा महामार्गावरील अनमोडजवळील 'हत्ती ब्रिज'चे काम गेल्या अनेक दिवसांपासून थांबले होते. या पुलाची रुंदी फक्त सहा मीटर ठेवण्यात येणार असल्याने अनेक सामाजिक संघटनांनी यावर आक्षेप घेतला होता.

यामुळे हे काम थांबले होते. परंतु, आता राष्ट्रीय महामार्ग (NH) विभागाने या पुलाची रुंदी ९ मीटर करण्याचा निर्णय घेतला आहे. यामुळे या पुलाच्या कामाला आता पुन्हा गती मिळणार आहे.

वाहनधारकांची निराशा

काही दिवसांपूर्वीच गोव्याच्या हद्दीतील काम पूर्ण झाल्याने वाहनधारकांना मोठा दिलासा मिळाला होता. परंतु, आता हा 'हत्ती ब्रिज'चे काम सुरू होणार असल्याने आणि त्यासाठी हा मार्ग पुन्हा बंद राहणार असल्यामुळे प्रवाशांमध्ये नाराजीचे वातावरण आहे. या मार्गावरील वाहतूक इतर पर्यायी मार्गांनी वळवली जाईल अशी शक्यता वर्तवण्यात येत आहे, ज्यामुळे प्रवासाचा वेळ वाढणार आहे.