पणजी : गोवा हस्तकला ग्रामीण आणि लघु उद्योग विकास महामंडळाला गतवर्षी 2020-21 कोरोनाचा चांगलाच फटका बसला. महामंडळाच्या विविध उत्पादीत वस्तूंच्या खरेदीत 2019-20 च्या तुलनेत निम्म्यावर घट झाली होती. ती घट 2021-22 मध्ये भरून निघाली असे आकडेवारीवरून म्हणता येईल.
2020-21 मध्ये 32 लाख 8 हजार 607 रुपये उत्पन्न मिळाले होते, परंतु कोरोनाचे सावट कमी झाल्यानंतर पर्यटकांचा ओढा वाढला आणि ते उत्पन्न 2021-22 मध्ये 62 लाख 35 हजार 465 रुपयांवर पोहोचल्याची माहिती हस्तकला खात्याचे मंत्री रवी नाईक यांनी दिली.
विधानसभेच्या पावसाळी अधिवेशनात हस्तकला ग्रामीण व लघु उद्योग विकास महामंडळाविषयी विरोधी आमदारांनी अतारांकित प्रश्‍न उपस्थित केले होते. त्या प्रश्‍नांना मंत्री नाईक यांनी लेखी उत्तर दिले आहे.
जीएचआरएसएसआयडीसीमध्ये अद्याप विविध 70 पदे रिक्त आहेत. त्याचबरोबर कारकूनपदाची (एलडीसी) सात पदे भरली असून सर्वांना 19 हजार रुपये वेतन असल्याचे उत्तर आमदार विरेश बोरकर यांच्या प्रश्‍नाला लेखी स्वरूपात मंत्री नाईक यांनी दिले आहे.
मूर्तीकारांना मदत
महामंडळातर्फे 2012 पासून मूर्तीकारांना अर्थसाह्य मिळावे यासाठी त्यांच्या मूर्तीवर सवलत दिली जाते. मनोहर पर्रीकर यांच्या काळात ही योजना कार्यान्वित झाली, त्यावेळी 526 लाभार्थी महामंडळाकडे नोंदले गेले होते. आता ते कमी होत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.