Nessai Firing Video: नेसायमध्ये गोळीबार! मालमत्ता वादातून रात्रीच्या वेळेस घडली घटना, तिघांविरोधात गुन्हा

Nessai Firing Video: मालमत्ता वादातून नेसायमध्ये गोळीबाराची घटना घडली आहे. बुधवारी (दि.01) रात्री 11 वाजण्याच्या सुमारास घडला ही घटना घडली. गोळ्या झाडल्यानंतर संशयितांनी घटनास्थळावरुन पलायन केले. मायणा-कुडतरी पोलिसांना दोन गोळ्या सापडल्या असून संशयितांविरोधात गुन्हा नोंद करण्यात आला आहे.

मिळालेल्या माहितीनुसार, कॉन्सी फर्नांडिस यांच्या घरासमोर बुधवारी रात्री 11 वाजण्याच्या सुमारास गोळीबाराची घटना घडली. संशयित नीलेश वेर्णेकर व अन्य दोघांनी गोळ्या झाडल्याचा संशय आहे. सुदैवाने यात कुणालाही दुखापत झाली नाही.

घटनेचे सीसीटीव्ही फुटेज समोर आले आहे.

कॉन्सी फर्नांडिस यांच्या घराजवळील जागेत विकासकाम केले जात आहे. त्या बांधकामाविरोधात कॉन्सी यांनी न्यायालयात धाव घेतली असून, याच मालमत्तेच्या वादातून हा प्रकार घडल्याचा संशय व्यक्त केला जात आहे.

गोळीबार केल्यानंतर संशयित नीलेश वेर्णेकर व दोघेजण घटनास्थळावरुन फरार झाले. संशयित नीलेश वेर्णेकर सुरक्षा एजन्सी चालवतात अशी माहिती समोर आली असून, मायणा-कुडतरी पोलीस अधिक तपास करीत आहेत.