Colvale News: गोव्यातील कोलवाळ औद्योगिक वसाहतीमध्ये आज, बुधवारी वीजेचा धक्का बसून वीज कर्मचाऱ्याचा मृत्यू झाल्याची घटना घडली. लाडू विष्णू पेडणेकर असे या मृत कर्मचाऱ्याचे नाव आहे.
कोलवाळ औद्योगिक वसाहतीतील ग्लेनमार्क कंपनीजवळ असलेल्या उच्च दाबाच्या वीज वाहनीत बिघाड झाला होता. त्यामुळे या परिसरात वीजेचा लपंडाव सुरू होता. याबाबत माहिती मिळाल्यावर दुरूस्तीसाठी वीज विभागाचे कर्मचारी घटनास्थळी गेले.
यावेळी लाडू पेडणेकर हे वीजेच्या खांबावर चढून वीज वाहिनीची तपासणी करत होते. यावेळी पेडणेकर यांना वीजेचा जोरदार धक्का बसला आणि ते खांबावरून खाली कोसळले. जखमी अवस्थेत त्यांना त्यांच्या सहकाऱ्यांनी मालवाहू रिक्षामध्ये घालून म्हापसा येथील जिल्हा इस्पितळात आणले.
पण डॉक्टरांनी त्यांना मृत घोषित केले. सायंकाळी शवविच्छेदनानंतर पेडणेकर यांचा मृतदेह कुटूंबियांच्या स्वाधीन करण्यात आला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
