मडगाव : विधानसभा निवडणुकीला मतदान अवघ्या दोन दिवसांवर आल्यामुळे सध्या गोव्याबाहेर गेलेले मतदार राज्यात पुन्हा परतू लागले आहेत. मडगाव व फातोर्डा (Fatorda) मतदारसंघात हे प्रमाण प्रामुख्याने अधिक आढळून येत असल्याचे दिसते.
प्रत्येक निवडणुकीवेळी (Election) असेच चित्र असले, तरी यावेळी अक्षरशः आपल्या मूळ गावी गेलेल्या मतदारांचे लोंढे येत आहेत. केवळ रेल्वे व बसेसमधूनच नव्हे, तर ट्रॅक्स, जीपी व मिनिबसेस मधून ही मंडळी गोव्यात (goa) दाखल होत आहे. सीमेवरील वाहनाची नोंदवही तपासली तर गेल्या दोन दिवसांपासून अशी वाहने गोव्यात येऊ लागली आहेत.
मडगावात (Margao) खारेबांध, दवर्ली, मोतीडोंगर, आझाद नगरी येथे अशा प्रकारे आलेल्यांचे वास्तव्य आहे. काही जण विवाहसमारंभासाठी तर अन्य काहीजण गोवा पहाण्यासाठी आल्याचे सांगतात. परराज्यात नोंद झालेली वाहनेही तेथेच पार्क केलेली आहेत. एका अंदाजानुसार रोज अशा प्रकारे चारशे ते साडेचारशे लोक दाखल होत असून त्यात महिला व लहान मुलांचाही समावेश आहे.
ही मंडळी कुठून व कां आली ती माहिती गुलदस्त्यात असली तरी गोवा पाहाण्यासाठी आल्याचे ते सीमा तपासणी नाक्यावर सांगतात. मिळालेल्या माहिती नुसार निर्धारीत स्थळी ही मंडळी पोचताच त्यांच्यासाठी व्यवस्था केलेल्या ठिकाणी त्यांना नेले जाते, तर रेल्वे वा बसने आलेल्यांसाठी तेथे वाहने सज्ज ठेवलेली असतात.
जाणकारांच्या म्हणण्याप्रमाणे राजकारणी (Politics) नेते मंडळींची ही व्यवस्था पूर्वापार चालून येत आहे. त्यांची मतदार कार्डे करण्यापासून ते मतदानाच्या पूर्वी त्यांना त्यांच्या ठिकाणाहून आणणे व मतदानानंतर पूर्ण बिदागी चुकती करून परत त्यांच्या मूळ ठिकाणी पोचविण्याचा व या दिवसांतील जेवणाखाण्याची तरतूद करण्याचाही त्यांत समावेश असतो.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
