Bhandari Samaj Goa
पणजी: गोमंतक भंडारी समाजाचे अध्यक्ष अशोक नाईक यांनी ६ रोजी वास्को येथे बोलावलेल्या आमसभेआधी काहीतरी ठोस निर्णय घेण्यासाठी त्यांच्या विरोधकांनी हालचाल सुरू केली आहे. कृषिमंत्री रवी नाईक यांचा या हालचालींना आशीर्वाद असून काल त्यांच्या उपस्थितीत झालेल्या बैठकीत दुसरी समाज संघटना स्थापन करण्याच्या पर्यायावरही चर्चा झाल्याची खात्रीलायक माहिती मिळाली आहे.
समाज संघटनेचे सरचिटणीस या नात्याने उपेंद्र गावकर यांनी बोलावलेल्या संघटनेच्या आमसभेला अध्यक्ष अशोक नाईक यांनी प्रथम श्रेणी न्यायदंडाधिकाऱ्यांच्या न्यायालयाकडून स्थगिती मिळविली आहे. ती स्थगिती उठविण्यासाठी जिल्हा सत्र न्यायालयात सादर केलेल्या याचिकेवर सुनावणी होणार आहे.
मंत्री रवी नाईक यांनी सोमवारी फोंड्यात राज्यभरातील भंडारी समाजाच्या महत्त्वाच्या कार्यकर्त्यांना बोलावले होते; पण मुद्दाम दोघा नेत्यांना बोलावले नव्हते. या बैठकीत रवी नाईक यांनी आपल्याला पूर्वकल्पना न देता अशोक नाईक यांची समिती कशी भेटायला आली, याचा किस्सा सांगितला. त्यावेळी नवी संघटना स्थापन झाल्यास ३ कोटी रुपये खर्च कऱण्याची तयारीही दर्शवण्यात आली. दोन संघटना केल्यास समाजबांंधव बिथरतील म्हणून आहे तीच समाज संघटना निवडणुकीतून ताब्यात घेण्याविषयी चर्चा करण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.