Goa Crime News: गोव्यात मागील काही दिवसांत चोरीच्या घटना वाढल्या आहेत. यातच, कांदोळीतील सायपेमधून अशीच घटना समोर आली आहे. नोकरानेच घरातील 25 लाखांची सोन्याची बिस्किट चोरल्याचा प्रकार घडला आहे. विशेष म्हणजे, हा चोरटा परप्रांतीय असून आरोपीला पश्चिम बंगालमधून अटक करण्यात आली आहे.
कांदोळीतील नॅन्सी डायस (वय वर्ष 62) यांनी घरात काम करणाऱ्या नोकराविरुद्ध चोरीची तक्रार नोंदवली. याकूब मोंडल असे या चोरी करणाऱ्या व्यक्तीचे नाव आहे. याकूब 25 लाखांची सोन्याची बिस्किट घेऊन पळाला असल्याचे तक्रारीत म्हटले आहे. या संदर्भात कळंगुट पोलिसांनी तक्रार नोंदवली.
पोलिस तपासात आरोपी पश्चिम बंगालमध्ये (West Bengal) असल्याचे समोर आले. त्यानंतर PSI अक्षय पार्सेकर यांचा समावेश असलेले पथक आरोपीच्या शोधात पश्चिम बंगालला गेले. तिथे त्यांनी आरोपीला अटक केली. त्याच्याकडून 3 सोन्याची बिस्किटेही (एकूण 300 ग्रॅम वजनाची रु. 25,00,000/) जप्त केली.
संपूर्ण ऑपरेशन कळंगुट पोलीस स्टेशनचे पोलिस निरीक्षक परेश नाईक, SDPO पर्वरी श्री. विश्वेश करपे आणि एसपी अक्षत कौशल यांच्या देखरेखीखाली पार पडले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.