Bodgeshwar Jatra: देवस्थान समितीकडून श्री देव बोडगेश्र्वराला यंदा सोन्याचे कडे!

Bodgeshwar Jatra Mapusa

गोमंतकीयांचा राखणदार श्री देव बोडगेश्वराच्या 89 व्या महान जत्रोत्सवाला बुधवारपासून (ता.24) जानेवारीपासून सुरुवात झाली. उद्या देवस्थान समितीतर्फे बोडगेश्वराला सोन्या-चांदीचे दागिने अर्पण करण्यात येणार आहेत. लवकरच जत्रोत्सवाची सांगता होणार आहे.

उपलब्ध माहितीनुसार, म्हापशातील श्री देव बोडगेश्र्वराला देवस्थान समितीकडून उद्या शनिवारी 3 फेब्रुवारीला दुपारी 12.30 वाजता हातातील सोन्याचे तसेच पायातील चांदीचे कडे अर्पण करण्यात येणार आहे.

जत्रेचे शेवटचे 2 दिवस असल्याने देवदर्शनासाठी मंदिरात भाविकांचा महासागर लोटला आहे.

गेल्यावर्षी बोडगेश्र्वराला सोन्याचे आसन....

गेल्यावर्षी श्री देव बोडगेश्वराला ‘सोन्याचा दांडा’ अर्पण करण्यात आला होता. हा दांडा कोल्हापूर येथील कारागिराकडून बनवण्यात आला असून देवस्थानच्या वर्धापनदिनादिवशी मंदिरात श्रींना अर्पण करण्यात आला होता.