Potekar Festival Goa 2023: पोतेकार! गोव्याचा अनोखा मिनी कार्निव्हल, दिवाडी बेटावर उत्साहाचे वातावरण

Potekar Festival Goa 2023: गोव्यात सध्या कार्निव्हलची धूम आहे. 18 फेब्रुवारीपासून सुरू झालेला कार्निव्हलचा आज अखेरचा दिवस आहे. राजधानी पणजी येथून सुरू झालेल्या या महोत्सवाची म्हापसा व मोरजी येथे आज सांगता होणार आहे.

दरम्यान, सध्या गोव्यात मिनी कार्निव्हलची देखील चर्चा आहे. पणजीतील कार्निव्हल झाल्यानंतर लगेच दुसऱ्या दिवसापासून दिवाडी बेटावर पोतेकार उत्सव साजरा केला जातो. या उत्सव काळात स्थानिक नागरिक वेगवेगळी वेशभूषा करतात. कार्निव्हल पाहण्यासाठी राज्यासह विदेशातील नागरिक आणि पर्यटक भेट देतात.

दिवाडी बेटावर तीन दिवस हे मिनी कार्निव्हल असते, स्थानिकांनी केलेल्या विविध वेशभूषा अधिक आकर्षक आणि विचित्र प्रकारच्या असतात.

वेशभूषा करून स्थानिक नागरिक रस्त्यावर फिरतात. पोतेकार उत्सव जुन्या परंपरेनुसार साजरा केला जातो.

सुरूवातीच्या काळात गावातील ज्येष्ठ नागरिक विविध प्रकारच्या वेशभूषा करून रस्त्यावर यायचे पण, अलिकडे कालांतराने बदल झाला असून, तरून मुले-मुली यात सहभाग घेतात.

मोठ्या उत्साहात नागरिक या पोतेकार उत्सवात सहभागी होतात. तीन दिवसीय या कार्यक्रमात दिवाडी बेटावर उत्साहाचे वातावरण असते. लहान मुले, युवक आणि युवतीही यामध्ये हामखास भाग घेतात.