Chess Competition: गोव्याचा इंटरनॅशनल मास्टर (आयएम) अमेय अवदी याने पोर्तुगालमधील आंतरराष्ट्रीय बुद्धिबळ स्पर्धेत चमकदार खेळ केला. पहिल्या सिदाद द लागोस खुल्या बुद्धिबळ स्पर्धेत त्याने इतर तिघांसह संयुक्त अव्वल क्रमांक मिळविला, टायब्रेकर गुणांत त्याला तिसऱ्या क्रमांकाचे बक्षीस प्राप्त झाले.
युक्रेनचा ग्रँडमास्टर (जीएम) विताली बेर्नाडस्की, अझरबैजानचा जीएम एल्ताज साफारली, नेदरलँड्सचा आयएम मान्युएल बोसबूम व अमेय यांचे प्रत्येकी नऊ डाव खेळल्यानंतर समान सात गुण झाले.
टायब्रेकर गुणांत विताली याला विजेतेपद, तर एल्ताज याला उपविजेतेपद मिळाले. अमेय तिसऱ्या स्थानी राहिला. बोसबूमला चौथ्या क्रमांकाचे बक्षीस मिळाले. स्पर्धेत २० देशांतील बुद्धिबळपटूंचा सहभाग होता.
अपराजित वाटचाल
अमेयने पोर्तुगालमध्ये अपराजित वाटचाल राखली. त्याने पाच डाव जिंकले, तर चार बरोबरीची नोंद केली. त्याने कॅनडाचा जीएम केविन स्प्रॅग्गेट्ट, जर्मनीचा जीएम मायकल हॉफमन, भारतीय आयएम हिमल गुसैन व जीएम विताली बेर्नाडस्की यांना बरोबरीत रोखले.
अमेयने विजय नोंदविलेल्या प्रमुख खेळाडूंत स्पॅनिश आयएम अल्शामेएरी प्यएन्ते इस्माईल, पोर्तुगीज फिडे मास्टर ब्रुनो मार्टिन्स यांचा समावेश होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.