Shigmotsav in Goa: शनिवारपासून गोव्यात घुमणार 'घुमचे कटर घूम', वाचा संपूर्ण वेळापत्रक

पणजी: गोव्याचा बहुप्रतिक्षित असा वसंतोत्सवातील शिमगोत्सव हा संस्कृती, परंपरा आणि उत्सवाच्या नत्रेदीपक प्रदर्शनासह राज्यात उत्साही वातावरण पसरविण्यास सज्ज आहे. १५ ते २९ मार्च या कालावधीत हा उत्सव सुरू होताच विविध शहरांमध्ये गोव्याचा समृद्ध वारसा दर्शविणारे चित्ररथ, पारंपरिक लोकनत्यृ आणि भव्य मिरवणुका पाहायला मिळतील.

शिमगोत्सवाचे वेळापत्रक (Shigmotsav Timetable)

फोंडा येथे १५ मार्चपासून या उत्सवाला सुरुवात होईल. १६ मार्च रोजी मडगाव, १७ मार्च केपे, १८ मार्चला कुडचडे, १९ मार्च शिरोडा, २० मार्च कळंगुट आणि डिचोली, २१ मार्च रोजी वास्को, २२ मार्च रोजी पणजी येथे शिमगोत्सव मिरवणूक होईल.

म्हापसा आणि सांगे येथील रस्ते २३ मार्च रोजी शिमगोत्सव मिरवणुकीने फुलतील, तर २४ मार्च रोजी काणकोण आणि कुंकळळी येथे भव्य मिरवणूक पहायला मिळेल.

२५ मार्च रोजी पेडणे, २६ रोजी धारबांदोडा, २७ वाळपई, २८ रोजी साखळी आणि शेवटी २९ मार्च रोजी मांद्रे येथे मिरवणुकीची सांगता होईल. उत्सवाच्या प्रत्येक दिवशी, विविध ठिकाणांवर भव्य परेड होईल.

अभ्यागतांना गोव्यातील उत्सवांचे सार अनोख्या पद्धतीने अनुभवण्याची संधी मिळेल. ढोल-ताशे यांसारख्या पारंपरिक वाद्यांच्या तालापासून परंपरागत वेशभूषेतील लोककलाकारांच्या मंत्रमुग्ध करणाऱ्या सादरीकरणापर्यंत शिमग्याचा प्रत्येक क्षण पाहण्यासारखा आहे.