Anjuna Police: हणजुणे पोलिसांचे कौतुकास्पद काम, मान्सूनपूर्व शालेय विद्यार्थ्यांना दिली महत्वाची भेट

Anjuna Police: गोव्यातील शाळा सुरू होऊन दोन आठवडे पूर्ण होत आहेत. सर्व शाळा आता पूर्ण क्षमतेने भरत आहेत. राज्यात पाऊस सुरू होण्याला थोडा विलंब झाला असला तरी, काही भागात आता पाऊस सक्रिय व्हायला सुरूवात झाली आहे.

मागील दोन दिवसांपासून दोन्ही जिल्ह्यातील विविध भागात मुसळधार पाऊस पडला. दरम्यान, उत्तर गोव्यातील हणजुणे पोलिसांनी मान्सूनच्या पार्श्वभूमीवर शालेय विद्यार्थ्यांना महत्वाची भेटवस्तू दिली आहे.

हणजुणे पोलिसांनी पाच सरकारी प्राथमिक शाळांना भेट दिली. पोलिसांनी विद्यार्थ्यांसोबत संवाद साधत, शाळेतील 150 विद्यार्थ्यांना छत्र्या भेट दिल्या आहेत. पोलीस निरिक्षक प्रशाल यांच्या नेतृत्वाखाली ही मोहिम राबविण्यात आली आहे. हणजुणे पोलिसांनी घेतलेल्या पुढाकाराचे सर्वत्र कौतुक होत आहे.

गोव्यात आता पावसाचा जोर वाढत आहे. शाळा देखील पूर्ण क्षमतेने भरू लागल्या आहेत. विद्यार्थ्यांना शाळेत येण्यासाठी पावसापासून बचाव व्हावा म्हणून पोलिसांनी विद्यार्थ्यांना छत्री भेट दिली आहे. हणजुणे पोलिसांनी सामाजिक भावनेतून केलेल्या या कार्याचे सर्व स्तरातून कौतुक होत आहे.