सोमवारपासून गोमंतकीयांना मिळणार बुस्टर डोस

पणजी: गोव्यात कोरोनाचा प्रादुर्भाव दिवसागणिक वाढत आहे. ओमिक्रॉन बंधितांच्या संख्येत होणारी वाढ राज्यासाठी चिंतेचे कारण ठरत आहे. राज्य व केंद्र सरकार लोकांना लसीकरण करण्याचे आवाहन करत आहे. दरम्यान, सरकारने राज्यातील आरोग्य कर्मचारी व ज्येष्ठ नागरिकांसाठी कोरोनाच्या (Coronavirus) बुस्टर डोसची व्यवस्था केली आहे. सोमवारपासून सर्व आरोग्य केंद्र आणि गोवा (Goa) मेडिकल कॉलेज येथे बुस्टर डोसचे लसीकरण (Vaccination) सुरू होणार आहे. (Goan people will get booster dose from Monday)

राज्य लसीकरण अधिकारी डॉ. राजेंद्र बोरकर यांनी दिलेल्या माहितीनुसार, राज्यात जवळपास 28,000 लोक बुस्टर डोससाठी पात्र आहेत; उद्यापासून सर्व आरोग्य केंद्र आणि गोवा मेडिकल कॉलेज येथे लसीकरण सुरू होईल, दुसरा डोस घेऊन 9 महिने पूर्ण झालेले लोक बुस्टर डोस घेण्यासाठी पात्र आहेत. यासाठी कोणतीही पुर्वनोंदणी अनिवार्य नाही.

राज्य सरकारने 15 ते 18 वयोगटातील विद्यार्थ्यांचे लसीकरण केले आहे. 3 जानेवारीपासून 15 ते 18 वयोगटातील मुलांच्या लसिकरणाला सुरुवात झाली होती.