Goa ZP Election Result 2025: जिल्हा पंचायत निवडणुकीत भाजपचा वरचष्मा, विरोधकांनं केलं चारी मुंड्या चीत; वाचा दिवसभरातील घडामोडी

धारगळ जिल्हा पंचायतीच्या जागेवर भाजपचे उमेदवार श्रीकृष्ण हरमलकर विजयी झाले

वेलिंग-प्रियोळ जिल्हा पंचायतीच्या जागेवर एमजीपीच्या आदिती गावडे विजयी झाल्या.

पैंगिण जिल्हा पंचायतीच्या जागेवर भाजपचे अजित लोलयेकर विजयी

पाळी जिल्हा पंचायतीच्या जागेवर भाजपचे सुंदर नाईक विजयी झाले.

पेन्हा द फ्रँका जिल्हा पंचायतीच्या जागेवर भाजपचे संदीप साळगावकर विजयी झाले.

वेळ्ळी जिल्हा पंचायतीच्या जागेवर काँग्रेसचे ज्युलिओ फर्नांडिस विजयी झाले.

शिरोड येथील भाजप उमेदवार गौरी सुभाष शिरोडकर 3115 मतांनी विजयी झाल्या.

चिंबल जिल्हा पंचायतीच्या जागेवर भाजपच्या उमेदवार गौरी कामत विजयी झाल्या.

कुर्टी जिल्हा पंचायतीच्या जागेवर भाजपचे उमेदवार प्रितेश गावकर विजयी झाले.

हळदोण पंचायतीवर काँग्रेसच्या मेरी उर्फ मारिया मिनेझिस यांचा दणदणीत विजय

आप उमेदवार अंतानियो फर्नांडिस यांनी कोलवा मतदारसंघातून 73 मतांनी विजयी झाले.

मोरजी मतदार संघातील उमेदवार तारा हडफडकर 3486 मतांच्या आघाडीने विजयी झाल्या.

नावेलीत पहिल्या फेरीत काँग्रेसच्या उमेदवार मलिफा कार्डोझो 1305 मतांनी आघाडी घेतली होती. पहिल्या फेरीतील या निर्णायक आघाडीमुळे काँग्रेस कार्यकर्त्यांनी मतमोजणी केंद्राबाहेर जल्लोष सुरु केला होता. मात्र अखेर मलिफा कार्दोझो या 1851 मतांनी विजयी झाल्या.

धारबांदोडा मतदारसंघात भाजप उमेदवार रुपेश देसाई यांचा विजय झाला असून, कुठ्ठाळी मतदारसंघातून अपक्ष उमेदवार मेरिसियाना वाझ यांचा विजय झाला आहे.

दक्षिण गोव्यात आणखी एका काँग्रेस उमेदवाराने बाजी मारली आहे. नुवेत अँटनी ब्रागांझा यांचा ४४० मतांनी विजय झाला आहे.

गोवा जिल्हा पंचायत दुपारी एकपर्यंतची आकडेवारी समोर आली आहे. यात भाजप १० जागांवर, मगो ०१, गोवा फॉरवर्ड ०१, काँग्रेस ०३, आरजी ०१ आणि अपक्ष ०१ जागेवर विजयी झाले आहे.

दवर्लीत काँग्रेस उमेदवार फ्लोरियानो फर्नांडिस ४६१ मतांनी विजयी झाल्यानंतर भाजप उमेदवार सत्यविजय नाईक यांनी फेर मतमोजणीची मागणी केली होती. फेर मतमोजणीनंतर देखील काँग्रेस उमेदवारच विजयी झाल्याचे घोषित करण्यात आले आहे.

गणपत नाईक ( मगोप )- 9387 मते,

विश्वेश नाईक ( आरजीपी ) 4300 मते, एकूण बाद मते - 270

गणपत नाईक 5058 मतांच्या विजयी

मनोज परब यांचा पक्ष रिव्हॉल्युशनरी गोवन पक्षानं खातं उघडलं असून, सांताक्रूझमधून इस्पेरांका ब्रागांझा विजयी झाले आहेत.

हरमल मतदारसंघातील अपक्ष उमेदवार राधिका पालेकर 56 मतांनी विजयी झाल्या.

भाजपचे महेश्वर गोवेकर यांनी शिवोली जिल्हा पंचायत जागा जिंकली. १७१४ मताधिक्य त्यांनी मिळवले.

उसगाव गांजे जागेवर भाजप उमेदवार समीक्षा नाईक ६,२९० मतांनी विजयी झाल्या आहेत.

लाटंबार्सेत कमळ फुलले. अटीतटीच्या लढतीत भाजपचे विजयी उमेदवार पद्माकर मळीक हे 980 मतांची आघाडी मिळवून विजयी

होंडामध्ये भाजप उमेदवार नामदेव च्यारी ९,८१६ मतांनी विजयी झाले आहेत. इथं आरजीच्या उमेदवाराला १,१०७ मते मिळाली असून, काँग्रेस उमेदवार ८२८ मतांपर्यंत मजल मारु शकला.

सांताक्रूझ काँग्रेसची उमेदवार शायनी ओलिव्हरा २,६१४ मतांनी आघाडीवर आहे, त्यानंतर भाजपची सोनिया नाईक १,६९६ मतांसह दुसऱ्या, तर आरजीपी इस्प्रेन्सा ब्रागांसा १, ५४६ मतांसह दुसऱ्या व तिसऱ्या क्रमांकावर आहेत. काँग्रेसने या मतदारसंघात ९१८ मतांची आघाडी घेतली आहे.

जिल्हा पंचायत निवडणुकीचा पहिला निकाल हाती आला असून, भाजपला मोठा धक्का बसला आहे. दवर्लीत काँग्रेस उमेदवार फ्लोरियानो फर्नांडिस ४६१ मतांनी विजयी झाले आहेत. भाजप आमदार उल्हास तुयेकरांना हा मोठा धक्का मानला जात आहे.

कळंगुट जिल्हा पंचायत जागेवर काँग्रेसचा उमेदवार ५४२ आघाडीवर असून, भाजप उमेवार पिछाडीवर पडला आहे. काँग्रेस उमेदवार आघाडीवर असल्याने हा लोबोंसाठी काहीसा चिंतेचा विषय ठरत आहे.

कवळे जिल्हा पंचायत मतदारसंघात पहिल्या फेरीनंतर महाराष्ट्रवादी गोमंतक पक्षाचा उमेदवार ३५५८ मतांसह आघाडीवर आहे. तर आरजीपीच्या उमेदवाराला १,१२९ मते मिळाली आहे

लाटंबार्से मतदारसंघ मतमोजणीची पहिली फेरी पूर्ण. पोस्टल मते धरून भाजप उमेदवाराला 497 मतांची आघाडी. दुसऱ्या फेरीची मतमोजणी सुरु.

सत्तरी तालुक्यातून पहिला कल हाती आला आहे. होंडा जिल्हा पंचायतीत भाजप उमेदवार नामदेव चारी आघाडीवर आहेत. तर, काँग्रेस पिछाडीवर आहेत.

जिल्हा पंचायत निवडणूक ही भाजपसह इतर पक्षांसाठी विधानसभा निवडणुकीपूर्वीची लिटमस टेस्ट ठरणार आहे. या निवडणुकीच्या निकालावर भविष्यातील अनेक समीकरणं ठरणार आहेत.

गोवा जिल्हा पंचायतीसाठी शनिवारी (२० डिसेंबर) मतदान पार पडले. यानंतर आज पंचायतीचा निकाल जाहीर होणार आहे. यासाठी आज (२२ डिसेंबर) सकाळी आठ वाजता मतमोजणीस सुरुवात झाली आहे. सत्तरी, डिचोलीत मतमोजणीला सुरुवात झाली आहे. उत्तर आणि दक्षिण गोवा मिळून ५० मतदारसंघात २२६ उमेदवार रिंगणात आहेत. यास १५ ठिकाणी मतमोजणीला सुरुवात झाली आहे. मतमोजणीसाठी ६०० कर्मचारी तर १,२०० पोलिसांचा बंदोबस्त तैनात करण्यात आला आहे.