उत्तरप्रदेश: गोरखपूर रेल्वे स्थानकावर गोव्यातील नागरिकाला अटक करण्यात आली आहे. संशयित नागरिकाजवळ तीन पिस्तूल आणि मॅग्झीन आढळून आली आहेत. गोरखपूर रेल्वे पोलिसांनी बुधवारी (३० ऑक्टोबर) ही कारवाई केली.
विनय हेब्बाळ (वय २५, रा. कुर्टी फोंडा) असे अटक करण्यात आलेल्या आरोपीचे नाव आहे.
गोरखपूर पोलिसांच्या माहितीने एका हिंदी वृत्तपत्राने प्रसिद्ध केलेल्या बातमीनुसार, संशयित विनय गोरखपूर रेल्वे स्थानकावर मुंबईच्या गाडीची वाट पाहत होता. रेल्वे पोलिसांना विनयवर संशय आल्याने त्याची तपासणी केली असता त्याच्याजवळ तीन पिस्तूल आणि मॅग्झीन आढळून आले. पोलिसांनी त्याला तात्काळ अटक केली असून, पुढील चौकशी केली जात आहे.
मुंबईतील गँगशी संबध असल्याचा संशय
संशयित विनयचा मुंबईतील गँगशी संबध असल्याचा संशय व्यक्त केला जात असून, त्यादृष्टीने देखील तपास केला जात आहे. त्याच्या विरोधात फोंडा पोलिस स्थानकात देखील एनडीपीएस कायद्यांतर्गत गुन्हा नोंद करण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.