Women's Cricket T20: बंगालच्या महिलांसमोर गोवा निष्प्रभ

Women's Cricket T20: बंगालच्या महिलांनी गोव्याच्या संघाला निष्प्रभ ठरविताना 23 वर्षांखालील टी-20 क्रिकेट स्पर्धेत सात विकेट राखून शानदार विजय नोंदविला. सामना मंगळवारी नागपूर येथील लेडी अमृतबाई डागा कॉलेज मैदानावर झाला.

प्रथम फलंदाजी करताना गोव्याला 4 बाद 105 धावाच करता आल्या. बंगालने विजयी लक्ष्य 18.2 षटकांत तीन विकेट गमावून गाठले. ई गटात गोव्याचा हा तिसरा पराभव ठरला. अगोदरच्या दोन विजयांमुळे त्यांचे आठ गुण कायम राहिले. बंगालने चौथा विजय नोंदविला. त्यामुळे त्यांचे 16 गुण झाले.

संक्षिप्त धावफलक:

गोवा: २० षटकांत ४ बाद १०५ (पूर्वजा वेर्लेकर ३५, कंविक्षा रेकडो २, इब्तिसाम शेख नाबाद ३८, पूर्वा भाईडकर ७, दिव्या नाईक १५, तनया नाईक नाबाद ०) पराभूत

बंगाल: १८.२ षटकांत ३ बाद १०६ (ब्रिस्टी माजी ४०, कशिश अगरवाल २९, धारा गुज्जर नाबाद २४, मेताली गवंडर ४-०-२७-१, पूर्वा भाईडकर ४-०-१५-०, तनया नाईक ४-०-१४-१, सेजल सातार्डेकर ३.२-०-२४-१, सेजल नाईक २-०-१५-०, पूर्वजा वेर्लेकर १-०-१०-०).