Goa News: 'कॅश-फॉर-जॉब घोटाळ्यासंबंधित 19 प्रकरणांची चौकशी सुरु...'- CM सावंतांनी स्पष्टच सांगितलं; वाचा दिवसभरातील घडामोडी

कॅश-फॉर-जॉब घोटाळ्याशी संबंधित 19 प्रकरणांची सध्या चौकशी सुरु आहे, असे मुख्यमंत्री प्रमोद सावंत यांनी सांगितले.

कारापूर-सर्वण सरपंचपदाची माळ दिव्या नाईक यांच्या गळ्यात. शुक्रवारी झालेल्या पंचायत मंडळाच्या बैठकीत झाली बिनविरोध निवड.

'नोकरीसाठी पैशांचा' प्रकरणाशी सरकारचा कोणताही संबंध नाही, त्यामुळे विरोधकांनी त्याचा संबंध सरकारशी जोडू नये, असे मुख्यमंत्री प्रमोद सावंत म्हणाले.

बर्च आग दुर्घटनेनंतर, किनारपट्टी भागातील सर्व आस्थापनांची तपासणी करण्यात आली आहे. उत्तर गोव्यात ४७ आस्थापनांची तपासणी करण्यात आली आणि १७ आस्थापनांना सील लावण्यात आले. दक्षिण गोव्यात ३९ आस्थापनांची तपासणी करण्यात आली आणि ५ आस्थापनांना सील लावण्यात आले. एकूण ८६ तपासण्या करण्यात आल्या आणि २२ आस्थापनांना सील लावण्यात आले. ज्यांच्याकडे अग्निसुरक्षा प्रमाणपत्र किंवा व्यवसाय चालवण्याची परवानगी नव्हती, त्यांना सील लावण्यात आले आहे, असे मुख्यमंत्री डॉ. प्रमोद सावंत यांनी सांगितले.

तांत्रिक प्रशिक्षणसाठी पुण्यातून गोव्यात आलेल्या एका ५९ इसमाचा मृत्यू झाला. विक्रम शिंदे असे त्याचे नाव आहे. कांदोळी येथे एका खासगी इस्पितळात, शिंदे यांना तारांकित हॉटेलमधून निपचित अवस्थेत आणण्यात आले होते.

मुख्यमंत्री डॉ. प्रमोद सावंत यांनी सांगितले की, तोयार तलावाचे संरक्षण सुनिश्चित करण्यासाठी, तलावाच्या सभोवतालची जमीन केवळ नॅशनल इन्स्टिट्यूट ऑफ ओशनोग्राफी (एनआयओ) च्या शिफारशींनुसार अधिसूचित केली जाईल. ते म्हणाले की, युनिटी मॉल हा केंद्र सरकारचा प्रकल्प आहे आणि तो घाईगडबडीत रद्द केला जाऊ शकत नाही. कोणताही निर्णय घेण्यापूर्वी सरकार चिंबल गावातील ग्रामस्थांच्या चिंता ऐकून घेईल. चार ग्राम प्रतिनिधींशी चर्चा केल्यानंतर सोमवार किंवा मंगळवारी अंतिम निर्णय जाहीर केला जाईल. मुख्यमंत्र्यांनी आश्वासन दिले की, तलावाच्या संरक्षणासाठी सरकार ग्रामस्थांसोबत आहे आणि त्यांनी आपले आंदोलन मागे घ्यावे, असे आवाहन केले.