Goa Weather Forecast: बागायतदारांवर हवामान बदलांचे संकट; दरवर्षीपेक्षा यंदा काजूचे उत्पादन घटले

Goa Weather Forecast: परदेशात तापमानवाढीच्या कहर केला असताना गोव्यासारख्या निसर्गरम्य राज्यातही यंदा हवामान बदलांचा प्रभाव जाणवू लागला आहे.

प्रचंड उष्मा, आकस्मिक एकाच दिवशी 6 इंचाहून अधिक पाऊस, हिवाळी थंडीत कमतरता आदी प्रकार जाणवू लागल्याने गोव्यातील बागायतदार अडचणीत सापडले आहेत.

सध्या काजू-आंबा सुरु झाला असून त्यातच हे असे हवामान बदलत असल्याने राज्यातील बागायतदार चिंतेत आहेत. दरवर्षीपेक्षा यंदा काजूचे कमी उत्पादन असल्याने शेतकरी आर्थिक अडचणीत सापडला आहे.

या सोबतच काजूचा दरही कमी झाल्याने मजुरीला घातलेला खर्च देखील निघेल कि नाही अशी शक्यता निर्माण झाल्याने शेतकऱ्यांना दुहेरी संकटाला तोड द्यावे लागतेय.

त्यातच काजू बागायतींना आगी लागत असल्याने ते एक वेगळे संकट थोपवण्याचे बाग मालकांसमोर आव्हान निर्माण झाले आहे.

यावर पावले उचलणे काळाची गरज बनली आहे. अन्यथा आर्थिक उत्पनाचा स्रोत म्हणून शेती- बागायतींकडे बघण्याचा युवा पिढीचा दृष्टिकोन बदलेल अशी भीती आंबा- काजू बागायतदारांनी बोलून दाखवली आहे.

2022 मध्ये उन्हाळ्यात गोव्यातील तापमान 37अंशावर पोहोचते. मागील उन्हाळ्यात 39 अंशांपर्यंत तापमानात वाढ झाली होती. 2013, 2009 व 2008 साली देखील तापमान वाढ मोठ्या प्रमाणात झाली.

मागील साठ वर्षांचा तापमानाचा तपशील पाहता 0.5 अंशांनी सातत्याने तापमानात वाढ होत असून ही चिंताजनक बाब असल्याचे तज्ज्ञांचे मत आहे.