Vishwajit Rane: मंगळवारी वनभवन पणजी येथे आरोग्य विभागाच्या अधिकाऱ्यांच्या उपस्थितीत आरोग्यमंत्री विश्वजीत राणे यांच्या हस्ते 8 रुग्णवाहिकांना हिरवा झेंडा दाखवण्यात आला.
या कार्यक्रमादरम्यान राणे म्हणाले की, पॉवरग्रीड महामंडळाने देणगी दिलेल्या या 8 रुग्णवाहिका 108 आपत्कालीन सेवेद्वारे वापरल्या जाणार आहेत.
याशिवाय महापालिका क्षेत्रातील उपआरोग्य केंद्रांचे आधुनिकीकरण नगरविकास विभागांतर्गत केले जाणार असल्याचेही राणेंनी सांगितले.
उत्तर आणि दक्षिण गोव्याला 100 कोटी रुपयांची दोन आपत्कालीन केंद्रे मिळाली असून आम्ही त्यांना चालना देण्याच्या प्रयत्न करत असल्याचे राणेंनी सांगितले.
तसेच गोमेकॉमध्ये पेट स्कॅन सुविधा लवकरच उपलब्ध करून दिली जाणार असून या पेट स्कॅन सुविधेला मुख्यमंत्री डॉ. प्रमोद सावंत यांनी मान्यता दिली आहे.
गोवा वैद्यकीय महाविद्यालयाच्या रुग्णालयाने स्टेमी प्रोग्राम डॉक्टरांना प्रशिक्षित केले आहे, ही अभिमानाची बाब असून रुग्णांवर उपचार करण्यासाठी जीएमसीला अधिक सुपर स्पेशालिटी डॉक्टरांची गरज असल्याचेही राणेंनी सांगितले.
गोव्यात आरोग्य मॉडेल पंतप्रधानांच्या संकल्पनेनुसार करण्यात येत आहे. दक्षिण गोवा जिल्हा इस्पितळात कर्मचाऱ्यांची उणीव आहे. काही सेवा कार्यान्वित करण्यासाठी अतिरिक्त कर्मचाऱ्यांच्या नियुक्तीची गरज असल्याचे राणेंनी काही दिवसांपूर्वी सांगितले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.