Bethora Firing : बेतोड्यातील गोळीबार म्‍हणजे गोव्‍यातील ढासळत्‍या कायदा व सुव्‍यवस्‍थेचे प्रतिक- सरदेसाई

Vijai Sardesai On Bethora Firing: बेतोडा येथे जो गोळीबार झाला ते पाहिल्‍यास आता गोवाही गुन्‍हेगारीच्‍या मुख्‍य धारेत येत आहे की काय अशी भीती वाटू लागली आहे.

गोव्‍यातील कायदा व सुव्‍यवस्‍था सुस्थितीत ठेवण्याऐवजी गृह खाते सांभाळणारे मुख्‍यमंत्री प्रमोद सावंत मात्र भाजपच्‍या राष्‍ट्रीय प्रचारात मग्‍न आहेत.

त्‍यांना गोव्‍याकडे लक्ष देण्‍यासाठी वेळच राहिलेला नाही अशी टीका गाेवा फाॅरवर्डचे अध्‍यक्ष विजय सरदेसाई यांनी केली.

काही दिवसांपूर्वी हरियानातील एका राजकीय नेत्‍याची हत्‍या केलेल्‍या दोन शार्प शूटर्सना हरियाना पोलिसांनी गोव्‍यात येऊन अटक केली हाेती.

याचा उल्‍लेख करत सरदेसाई म्‍हणाले, गाेवा हे गुन्‍हेगारांचे आश्रयघर झाले आहे आणि गोव्‍यात काहीही केले तरी चालते अशी गुन्‍हेगारांची समज झाली असावी.

यासाठीच हे गुन्‍हेगार गोव्‍यात येतात. त्‍यांना पाहिल्‍यावर गोव्‍यातील लोकांनाही आता आम्‍ही काहीही केले तरी चालते अशी भावना निर्माण झाली असावी असे उद्‍गार सरदेसाई यांनी काढले.