Onion Price Hike: भाजीपाला स्वस्त झाला, पण कांद्याने पुन्हा काढले डोळ्यात पाणी! पावसाचा परिणाम; दर पोहोचला 45 रुपयांवर

पणजी: गेल्या आठवड्यात वाढलेले भाजीपाल्याचे दर आता काही प्रमाणात कमी झाले असून ग्राहकांना दिलासा मिळाला आहे. मात्र, सततच्या पावसामुळे कांद्याची आवक घटल्याने त्याच्या दरात वाढ झाली आहे. पणजी बाजारात सध्या कांदा ४५ रुपये प्रतिकिलो दराने विकला जात असून, गेल्या आठवड्यात त्याचा दर ३५ ते ४० रुपये प्रतिकिलो होता.

बाजारात बिन्सच्या दरात लक्षणीय घट झाली आहे. गेल्या आठवड्यात १८० रुपये प्रतिकिलो दराने विकल्या जाणाऱ्या बिन्सचा दर आता १२० रुपयांवर आला आहे. भेंडीच्या दरातही पाच रुपयांची घट झाली असून टॉमेटो ४० रुपये, तर हिरवी मिरची १०० रुपये प्रतिकिलो दराने विकली जात आहे.

फलोत्पादन महामंडळ व खुल्या बाजारातील दर

भेंडी २७ ४५

कोबी ४० ४०

गाजर ४४ ६०

प्लॉवर २९ ४०

चिटकी ४२ ५०

बिन्स ८७ १२०

मिरची ४७ १००

कांदा ३१ ४५

बटाटा २८ ३८

टॉमेटो ३३ ४०