Goa: कांदोळीत एका अज्ञाताचा मृतदेह आढळल्याने खळबळ

शिवोली: नास्नोळा-हळदोणे येथील 19 वर्षीय तरुणीच्या गूढ मृत्युप्रकरणाने राज्यात सर्वत्र खळबळ माजलेली असतानाच गुरुवारी दुपारी बार्देश तालुक्यातील कांदोळी (Kandoli in Bardesh taluka) येथे एका अज्ञाताचा (वय अंदाजे ४०) मृतदेह (Corpses) स्थानिक पोलिसांना आढळून आला आहे.

या मृतदेहाच्या अंगावर चाकूचे वार केल्याच्या खुणा दिसल्याने कळंगुट पोलिसांनी (Calangute Police) तो मृतदेह बांबोळी येथील गोवा वैद्यकीय महाविद्यालयाच्या (Goa Medical College) रुग्णालयात वैद्यकीय तपासणीसाठी पाठविण्यात आला आहे. कळंगुटचे पोलिस निरीक्षक नोलास्को रापोझ यांनी नेहमीप्रमाणे या मृत्युबाबतीत तपशील देण्याचे टाळले. दरम्यान, कांदोळी येथील सापडलेल्या अज्ञाताच्या मृतदेहावर चाकूचे वार आढळून आल्याने त्याच्या हत्येचा संशय व्यक्त करण्यात येत आहे.