Vishwajit Rane: नगर व शहर नियोजन खात्यातील ग्रेड वन ड्राफ्ट्समन चंद्रशेखर तुयेकर विविध प्रकारची प्रमाणपत्रे देण्यास लोकांकडून खंडणी व सतावणूक करत असल्याच्या आरोपाखाली सेवेतून निलंबित करण्यात आले आहे. नगरनियोजन मंत्री विश्‍वजित राणे यांनी ही कारवाई केली आहे.
दरम्यान, मुख्य नगर नियोजक जेम्स मॅथ्यू यांच्याकडे या प्रकरणाची चौकशी सोपविण्यात आली आहे. या चौकशीत तुयेकवरवरील आरोप सिद्ध झाले तर त्याला तत्काळ सेवेतून बडतर्फ केले जाईल, असेही मंत्री राणे यांनी स्पष्ट केले आहे.
तुयेकर हा लोकांना प्रमाणपत्र देण्यासाठी पैशांची मागणी करत होता. सततच्या अडवणुकीमुळे त्याच्याविरोधात अनेक तक्रारी खात्याकडे आल्या होत्या. त्याची दखल घेत ही कारवाई करण्यात आली आहे. काही महिन्यांपूर्वीच मुख्यमंत्र्यांनी विविध खात्यात कामचुकार तसेच भ्रष्ट कर्मचाऱ्यांविरुद्ध कारवाई केली जाईल असे स्पष्ट संकेत दिले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.