Goa Tourist: चारचाकीच्या टपावर पर्यटकांचा जीवघेणा स्टंट; मोरजी रस्त्यावरील Video Viral

Goa tourist stunt video trending in Goa

मोरजी: नवीन वर्षाचे गोव्याने उत्साहाने स्वागत केले, यावेळी कितीही नाही म्हटलं तरी पर्यटकांची रांग लागली होती. काही पर्यटक अजूनही गोव्यात आहेत आणि यांपैकीच काही जणांचा व्हिडीओ सोशल मीडियावर तुफान व्हायरल होतोय. मोरजी-पेडणे येथील हा व्हिडिओ असून काही मंडळी गाडीच्या टपावर बसून हुल्लडबाजी करताना दिसतायत.

नवीन वर्षाचा आज दुसरा दिवस, तरीही पर्यटकांचा हा व्हिडीओ बघून नवीन वर्षाचा जल्लोष कमी झालेला दिसत नाही. चालत्या चारचाकीच्या मागच्या टपावर बसून तीन पर्यटक हुल्लडबाजी करताना कॅमेऱ्याच्या कैदेत सापडलेत. अशा विचित्र स्टंट्समुळे पर्यटकांच्या जीवाला देखील हानी होऊ शकण्याची संभावना दिसते.

मौजमस्तीच्या नावाखाली असे जीवघेणे स्टंट्स करणं टाळल्यास ते कधीही सोयीस्कर ठरेल. या व्हिडीओमध्ये असलेल्या तिघा पर्यटकांपैकी दोघे उलट्या बाजूने तोंड करून बसलेत, पैकी एक तोंड झाकून घेतोय तर दुसरा समोर असलेल्या मित्राशी अधूनमधून बोलताना दिसतोय. समोर बसलेला पर्यटक चालल्या गाडीवरून आजूबाजूची चित्रं टिपताना कॅमेऱ्यात सापडलाय.