Goa Tourism: आज गुड फ्रायडेची सुट्टी तसेच उद्या परवाचे वीक एन्ड यांमुळे गोव्यात पर्यटकांनी गर्दी केलीय. हरमल, मांद्रे, शिवोली, कळंगुट, बागा, मिरामार सारख्या किनारीभागात देशी-विदेशी पर्यटक जमले आहेत.
तसेच येथील शॅक, रेस्टोरंट, हॉटेल्स सुद्धा फुल्ल झाल्याची माहिती मिळतेय. सध्या गोव्यात शिगमोत्सवाला सुरुवात झालीय.
ही अनोखी पारंपरिक प्रथा आणि परंपरा पाहण्यासारखी असल्याने गोव्यालगतच्या राज्यातील पर्यटक देखील यानिमित्ताने राज्यात दाखल झाले आहेत.
मात्र ही गर्दी गतवर्षीपेक्षा अर्धीच आहे, असे मत येथील व्यावसायिक व्यक्त करत आहेत. नियमित येणाऱ्या पर्यटकांमध्ये घट झाल्याचे व्यावसायिकांचे मत आहे.
गोव्यातील कळंगुट आणि कांदोळी सारखे समुद्रकिनारे दिवसभरात पर्यटकांनी खचाखच भरले होते. तसेच शेजारील महाराष्ट्र-कर्नाटक राज्यांतून अनेक वाहने गोव्यात दाखल झाली आहेत व होत आहेत.
वाहतूक कोंडी काही सुटेना!
तसेच राज्यात काही ठिकाणी रस्त्यांच्या दुरुस्तीचे काम सुरु असल्याने स्थानिक तसेत पर्यटकांना वाहतुक कोंडीला सामोरे जावे लागत आहे. किनारी भागातील रस्त्यांवर वाहतुकीची कोंडी मोठ्या प्रमाणात दिसुन येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.