फातर्पा येथील श्री शांतादुर्गा कुंकळ्ळीकरीणबाबत आक्षेपार्ह वक्तव्य करुन भावना दुखावल्याप्रकरणी अटेकत असणाऱ्या श्रेया धारगळकर, नमिता फातर्फेकर यांना 4 दिवसांची पोलीस कोठडी सुनावण्यात आलीयय श्रेया यांच्या पोटात दुखू लागल्याने त्यांना रुग्णालयात दाखल करण्यात आले आहे.
श्रेया धारगळकर पुन्हा अडचणीत. शिरगावच्या श्री लईराईच्या धोंड भक्तगणांबद्धल आक्षेपार्ह वक्तव्य केल्याप्रकरणी श्रेया विरोधात डिचोली पोलिसात तक्रार. अटक करण्याची मागणी. संतप्त धोंड भक्तगणांची पोलिस स्थानकावर धडक.
बाणावली जिल्हा पंचायत निवडणूक पुन्हा लढविण्याची आम आदमी पार्टीची तयारी. लोकसभा निवडणुकीच्या निकालानंतर प्रचाराच्या तयारीला लागणार असल्याचे आपचे बाणावलीचे आमदार व्हेंझी व्हिएगस यांनी सांगितलें.
कुर्टी-फोंड्यात इलेक्ट्रीक ट्रान्सफॉर्मरचा स्फोट, वीजेचा झटका बसल्याने ही घटना घडली. यात नऊ लाखांचे नुकसान झाल्याचा अंदाज व्यक्त केला जात आहे.
Goa Theft Case
मडगांव कदंबा बस स्टॅंडसमोरील खुल्या पार्कींगमधून GA.08.AS.8394 ही व्हेस्पा स्कुटर (मूल्य 1 लाख 68 हजार) चोरीला. अमिश कार्लेकरांकडून तक्रार नोंद.
मडगांवचे जागृत दैवत देव दामोदराच्या सालातल्या मुर्तीच्या अंगावरील दागिन्यांची चोरी. दुचाकीवरुन आलेल्या इसमाने दिवसा ढवळ्या लांबवले सुमारे एका लाखाचे दागिने. पोलिस तक्रार नोंद. तपास सुरू.
23 जून रोजी बाणावली जिल्हा पंचायतीसाठीची पोट निवडणूक. आपचे जिल्हा पंचायत सदस्य हेंझल फर्नांडीस अपात्र ठरल्याने होतेय पोट निवडणूक
डेक्कन फाईन केमिकल्स कारखाना, खोर्ली येथे अपघातात मृत झालेल्या कामगाराच्या कुटुंबियांना भरपाई देण्याची मागणी. कारखान्याबाहेर कामगार एकवटले.
Konkan Railway
करमळी कोकण रेल्वे स्थानकावर लेक व्ह्यू रेस्टॉरंट सुरू करणार. मडगाव आणि कोकण रेल्वेच्या इतर महत्त्वाच्या स्थानकांवर रेंट बाईक सुविधा देणार असल्याचे कोकण रेल्वेचे अध्यक्ष आणि व्यवस्थापकीय संचालक संतोष कुमार झा यांची माहिती.
मुरगावजवळ पर्यटक बोटीत अडकून पडलेल्या 24 पर्यटकांना वाचविण्यात भारतीय कोस्ट गार्डच्या जवानांना यश आले आहे.
Kala Academy
कला अकादमीचे चार्ल्स कुरय्या फाऊंडेशनच्या मार्फत ऑडिट करावी अशी मागणी गोवा फॉरवर्डच्या वतीने करण्यात आली आहे.
Usgao Crane Accident
उसगाव येथे सॉमिलमध्ये क्रेनचा दोर तुटल्याने झालेल्या अपघातात कामगाराचा मृत्यू झाला आहे. बुजवल सिंग असे मृत कामगाराचे नाव असून, लाकडाचे ओंडके खाली करताना ही घटना घडली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.