सासष्टी: झुझेगाळ कुंकळ्ळी (Kunkalli) येथे एकाचे घर फोडून 25 हजार रुपयांचे साहित्य लंपास केल्याप्रकरणी कुंकळ्ळी पोलिसांनी मोहम्मद अफसल (Mohammad Afsal) (26, उत्तर प्रदेश) आणि मोहम्मद शमशाद (Mohammad Shamshad) (26, दिल्ली) यांना अटक करून त्याच्याकडून चोरीचे साहित्य जप्त केले.
कुंकळ्ळी पोलिसांकडून मिळालेल्या माहितीनुसार, ही घटना गुरुवारी दुपारी घडली होती. अज्ञात चोरट्यानी घरात कुणीही नसल्याची संधी साधून घरचा मागचा दरवाजा फोडून आतमध्ये प्रवेश केला व किचन सिंक वॉटर मिक्सर टॅप, बाथरूम वॉटर मिक्सर टॅप तसेच अन्य दोन टॅप लंपास केले. याप्रकरणी घर मालक कारेन रेगो यांनी कुंकळ्ळी पोलिसात तक्रार नोंद केल्यावर पोलिसांनी त्वरित कारवाई करून आज मोहम्मद अफसल आणि मोहम्मद शमशाद याना अटक करून त्याच्याकडून चोरीचे साहित्य जप्त केले. याप्रकरणी पोलिसांनी संशयिताविरुद्ध भादंसंच्या 380, 484 कलमाखाली गुन्हा नोंद केला आहे. याप्रकरणी पोलीस पुढील तपास करीत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
