Goa: गोवा मुक्तीलढा चळवळीतील (Goa Liberation) तसेच पोर्तुगीजांच्या वसाहती नियमांविरुद्ध भूमिका बजावण्यात अग्रेसर असलेले स्वातंत्र्यसेनानी डॉ. टी. बी. कुन्ह यांच्या पुण्यतिथीनिमित्त (Dr T B Kunha Death Anniversary Day) मुख्यमंत्री डॉ. प्रमोद सावंत (CM Dr Pramod Sawant) यांनी पणजीतील आझाद मैदानावरील (Azad Maidan) स्मारकाला पुष्पचक्र अर्पून श्रद्धांजली वाहिली. स्वातंत्र्यसैनिकांचा आदर्श व त्यांची आठवण भावी पिढीसमोर ठेवण्यासाठी सरकारचा प्रयत्न असेल असे मत त्यांनी कार्यक्रमानंतर पत्रकारांशी बोलताना व्यक्त केले.
स्वातंत्र्यसैनिक डॉ. टी. बी. कुन्हा यांनी गोवा मुक्तिलढ्यातील कार्य महान आहे. मुक्तिसंग्रामातील स्वातंत्र्यसैनिकांची आठवण सदोदित स्मरणात ठेवण्यासाठी त्याचे कार्यक्रम आयोजित केले जातील. पोर्तुगीज वसाहती नियमांविरुद्ध लढणारे कुन्हा हे पहिले गोमंतकिय होते. त्यांचा आदर्श भावी पिढीच्या मनात रुजवण्यासाठी त्यांची आठवण देणे गरजेचे आहे. आज त्यांच्या स्मारकाला श्रद्धांजली वाहनाता माझे ऊर भरून आले. त्यानी केलेल्या लढ्यामुळे तसेच त्यागामुळे आम्ही आज ही फळे उपभोगत आहोत असे मत त्यांनी व्यक्त केले.
पणजीतील आझाद मैदानावरील डॉ. टी. बी. कुन्हा स्मारकाला मुख्यमंत्री डॉ. सावंत यांनी श्रद्धांजली वाहिली. त्यानंतर पोलिस बँडच्या मदतीने सलामी देण्यात आली. यावेळी पोलिस महासंचालस मुकेश कुमार मीणा तसेच महानिरीक्षक राजेश कुमार हे उपस्थित होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
