परशुरामाच्या रुपाची माटोळी सजावट अव्वल, देखावा स्‍पर्धेत ब्रह्मेश्‍वर युवक संघ प्रथम; वाचा दोन्ही निकाल सविस्तर

पणजी: कला आणि संस्कृती संचालनालयाने गणेश चतुर्थीनिमित्त आयोजित केलेल्‍या राज्यस्तरीय देखावा स्‍पर्धेत प्रथम क्रमांकाचे ३५ हजार रुपयांचे पारितोषिक आखाडा-सांतइस्तेव येथील ब्रह्मेश्‍वर युवक संघाने पटकावले. या स्पर्धेत एकूण १८ सार्वजनिक गणेशोत्सव मंडळांनी सहभाग घेतला होता.

द्वितीय पारितोषिक कोरगाव सार्वजनिक गणेशोत्सव मंडळाला तर तृतीय पारितोषिक गोलवाडा-कुंभारजुवा सार्वजनिक गणेशोत्‍सव मंडळाला प्राप्‍त झाले. चौथे पारितोषिक मधलावाडा-हरमल सार्वजिक गणेशोत्सव मंडळाला तर पाचवे पारितोषिक श्री शांतादुर्गा कला आणि क्रीडा संघ वास्को यांना मिळाले.

उत्तेजनार्थ बक्षिसे अनुक्रमे युवा पणजी मळा, सार्वजनिक गणेशोत्सव मंडळ तुडव-नेत्रावळी, श्री बालगणेश सार्वजनिक गणेशोत्सव मंडळ काजूर-केपे, सार्वजनिक गणेशोत्सव मंडळ कुसमाने-केपे, श्री राम मंदिर देवस्थान समिती रामभुवनवाडा-कुंभारजुवा यांना मिळाली. त्‍यांना प्रत्‍येकी १० हजार रुपये व प्रशस्‍तिपत्रक देण्यात येईल. स्पर्धेचे परीक्षण नागेश देसाई, सचिन नाईक आणि भिसाजी गडकरी यांनी केले

माटोळी सजावट स्‍पर्धेत दत्ता नाईक प्रथम

माटोळी स्पर्धेत एकूण १३ स्पर्धकांनी सहभाग घेतला. प्रथम २० हजाराचे पारितोषिक दत्ता शंभू नाईक (गावठण-प्रियोळ) यांना मिळाले. द्वितीय बक्षीस तानाजी गावडे (बांदोडा), तृतीय देऊ सत्यवान शेटकर (धारबांदोडा), चतुर्थ तृप्ती पालकर (सावर्डे) तर पाचवे बक्षीस श्रीकांत सतरकर (कुर्टी) यांना प्राप्‍त झाली.

उत्तेजनार्थ पारितोषिके विशांत गावडे (कुर्टी), रंगनाथ गावकर (वांयगिणी-मये), रमाकांत गावकर (बेतोडा), शिवराज वझरकर (बांबर-नानोडा), विठोबा गावडे (वेलिंग) यांना जाहीर झाली आहेत. परीक्षण राजेंद्र केरकर, गोपीनाथ गावस, दीपक गाड यांनी केले.