गुळेली: सरकारी माध्यमिक विद्यालय वाळपई (Government Secondary School Walpai) या विद्यालयाचा दहावीचा निकाल 100 टक्के लागला असून विद्यालयाने उत्कृष्ट निकालाची परंपरा कायम राखली आहे. पूनम इंगळे (Poonam Ingle) ही विद्यार्थिनी 80.68 टक्के गुण मिळवून विद्यालयात प्रथम आली. भाग्यश्वरी राठोड ही विद्यार्थिनी 77.59 टक्के गुण मिळवून द्वितीय आली तर हर्षल गावस (Hershal Gavas) यांनी 75.89 टक्के गुण प्राप्त करून तृतीय येण्याचा मान मिळवला.
यंदा या विद्यालयातून एकूण 33 विद्यार्थी शालान्त परीक्षेला बसले होते. त्यापैकी 3 विद्यार्थी विशेष श्रेणीत, 9 विद्यार्थी प्रथम श्रेणीत, 18 विद्यार्थी द्वितीय श्रेणीत व 3 विद्यार्थी तृतीय श्रेणीत उत्तीर्ण झाले.या यशाबद्दल मुख्याध्यापक श्री देविदास कोटकर,शिक्षक, शिक्षकेतर कर्मचारी,पालक-शिक्षक संघ व वाळपई परिसरातील लोकांकडून सर्व यशस्वी विद्यार्थ्यांचे अभिनंदन करण्यात येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
