Table Tennis Tournament: ॲरन, प्रज्ञा, चंदनचे ‘दुहेरी’ यश

Table Tennis Tournament: अखिल गोवा राज्य प्रमुख मानांकन टेबल टेनिस स्पर्धेत ॲरन फारियास, चंदन कारे व प्रज्ञा कारे यांनी दुहेरी किताब पटकावला.

पुरुष एकेरीत अरविंद कुमार, तर महिला एकेरीत पृथा पर्रीकर यांनी विजेतेपद प्राप्त केले. स्पर्धा फातोर्डा येथील मल्टिपर्पज स्टेडियममध्ये झाली.

ॲरन याने १७ व १९ वर्षांखालील मुलांत, चंदनने १३ व १५ वर्षांखालील मुलांत, तर प्रज्ञा कारे हिने १५ व १७ वर्षांखालील मुलींत बाजी मारली.

११ वर्षांखालील वयोगटात रुहान शेख याने मुलांत, तर आयुषी आमोणकरने मुलींत विजेतेपद मिळविले. ईशिता कुलासो १३ वर्षांखालील, तर ऊर्वी सुर्लकर १९ वर्षांखालील मुलींत विजेती ठरली.

दक्षिण गोवा टेबल टेनिस परिषदेने गोवा टेबल टेनिस संघटना व गोवा क्रीडा प्राधिकरणाच्या सहकार्याने स्पर्धा घेतली. विष्णू कोलवाळकर यांनी स्पर्धेत मुख्य रेफरीची जबाबदारी पेलली.

बक्षीस वितरण गोवा टेबल टेनिस संघटनेचे माजी अध्यक्ष व्हेरो नुनीस, सध्याचे अध्यक्ष सुदिन वेरेकर, सचिव ख्रिस्तोफर मिनेझिस, खजिनदार ऐश्वर्या नुनीस, संयुक्त सचिव नीलेश कीर्तनी, सदस्य अजित घाटकर व कबीर पिंटो मखिजा यांच्या उपस्थितीत झाले.

अंतिम निकाल

११ वर्षांखालील मुली: आयुषी आमोणकर वि. वि. गियाना जॉर्ज ३-० (११-३, ११-९, ११-६), मुलगे ः रुहान शेख वि. वि. युग प्रभू ३-१ (११-७, १६-१४, ११-१३, ११-४).

१३ वर्षांखालील मुली: ईशिता कुलासो वि. वि. आयुषी आमोणकर ३-० (११-२, ११-२, ११-५), मुलगे ः चंदन कारे वि. वि. ध्रुव कामत ३-१ (११-६, ११-२, १०-१२, ११-८).

१५ वर्षांखालील मुली: प्रज्ञा कारे वि. वि. नीझा कामत ३-० (१३-११, ११-९, ११-६), मुलगे ः चंदन कारे वि. वि. खुशाल नाईक ३-२ (११-८, ११-६, ८-११, ९-११, ११-५). १७ वर्षांखालील ः मुली ः प्रज्ञा कारे वि. वि. ऊर्वी सुर्लकर ३-२ (९-११, १२-१०, ३-११, ११-८, ११-९), मुलगे ः ॲरन फारियास वि. वि. रिशान शेख ३-० (११-३, ११-३, ११-९).

१९ वर्षांखालील मुली: ऊर्वी सुर्लकर वि. वि. प्रज्ञा कारे ३-२ (११-९, ६-११, ८-११, ११-५, ११-८), मुलगे ः ॲरन फारियास वि. वि. रिशान शेख ३-१ (११-४, ११-८, १०-१२, ११-८).

महिला एकेरी ः पृथा पर्रीकर वि. वि. ईशिता कुलासो ३-० (११-४, १५-१३, ११-८), पुरुष एकेरी ः अरविंद कुमार वि. वि. ॲरन फारियास ४-१ (१२-१०, १७-१५, १२-१०, ४-११, ११-७).