Professional League Football: चर्चिल ब्रदर्सकडून हार पत्करलेल्या एफसी गोवाचा पहिलाच विजय; स्पोर्टिंगला नमविले

माल्सॉमत्लुआंगाचा भरपाई वेळेत निर्णायक गोल
Professional League Football
Professional League FootballDainik Gomantak

Professional League Football माल्सॉमत्लुआंगा याने सामन्याच्या भरपाई वेळेत केलेल्या निर्णायक गोलमुळे प्रोफेशनल लीग फुटबॉल स्पर्धेत एफसी गोवा संघाला स्पोर्टिंग क्लब द गोवास 1-0 असे निसटते नमविणे शक्य झाले. म्हापसा येथील धुळेर स्टेडियमवर सोमवारी सामना झाला.

एफसी गोवाने सामन्यावर वर्चस्व राखताना गोल करण्यासाठी प्रयत्न केले, पण त्यांना ऐनवेळी अपयश आले. त्यामुळे गोलसाठी भरपाई वेळेपर्यंत थांबावे लागले. योग्य नेमबाजी साधली असती, तर त्यांना मोठा विजय शक्य होता.

स्पर्धेतील पहिल्या लढतीत चर्चिल ब्रदर्सकडून एका गोलने हार पत्करलेल्या एफसी गोवाचा हा पहिलाच विजय ठरला. त्यांचे आता दोन लढतीतून तीन गुण झाले आहेत.

स्पोर्टिंगने अगोदरच्या लढतीत पॅक्स ऑफ नागोवाला दोन गोलने नमविले होते, मात्र सोमवारी पराभूत झाल्यामुळे दोन लढतीनंतर गतउपविजेत्या संघाचे तीन गुण कायम राहिले.

Professional League Football
NSUI Goa: विद्यार्थिनीची सुरक्षा करण्यात गोवा विद्यापीठ अपयशी; लैंगिक शोषण प्रकरणांतील दोषींवर कडक कारवाई करा...

सुरवातीस काही संधी गमावल्यानंतर तिसाव्या मिनिटास एफसी गोवाच्या माल्सॉमत्लुआंगा याला गोलनेटसमोर कोणीच नसताना गोल करण्याची आयती संधी होती, परंतु त्याच्या फटक्याचा नेम साफ चुकला.

काही वेळानंतर फक्त गोलरक्षकाला चकवा देणे आवश्यक असताना एफसी गोवाच्या अमीन अत्तार याने अगदीच कमजोर फटका मारला.

सामना गोलशून्य बरोबरीत राहण्याची शक्यता असताना एफसी गोवाच्या माल्सॉमत्लुआंगा याने कोंडी फोडला.

बदली खेळाडू आकाश ओराव याने गोलक्षेत्रातून दिलेल्या क्रॉस पासवर सामनावीर ठरलेल्या माल्सॉमत्लुआंगा याने चेंडूला गोलनेटच्या डाव्या कोपऱ्यातील जागा मिळवून दिली, यावेळी स्पोर्टिंगचा गोलरक्षक मंजुनाथ पूर्ण अपयशी ठरला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com