Nanda Lolayekar Trophy: 42 व्या नंदा लोलयेकर करंडक क्रिकेट स्पर्धेवर मडगाव क्रिकेट क्लबची मोहोर

Nanda Lolayekar Trophy Cricket: मडगाव क्रिकेट क्लबने अंतिम लढतीत आर्लेम स्पोर्टस क्लबवर चार विकेटने मात करून 42 व्या नंदा लोलयेकर करंडक क्रिकेट स्पर्धेत अजिंक्यपद पटकावले. माशे क्रिकेट क्लबच्या या स्पर्धेतील अंतिम सामना काणकोण तालुक्यातील दापट-माशे येथील निराकार मैदानावर झाला.

विजेत्या मडगाव क्रिकेट क्लबला फिरता करंडक व 50, 000 रुपये, तर उपविजेत्या आर्लेम क्लबला करंडक व तीस हजार रुपये बक्षीस देण्यात आले. स्पर्धेतील सर्व बक्षिसे कॉमनवेल्थ डेव्हलपर्सचे संचालक चिराग दत्ता नायक यांनी पुरस्कृत केली होती.

सुदेश प्रभुदेसाई, शरेंद्र नाईक, डॉ. सुरेंद्र नाईक यांच्या हस्ते बक्षीस वितरण झाले. संतोष सतरकर यांनी कार्यक्रमाचे सूत्रसंचालन केले.

संक्षिप्त धावफलक: आर्लेम स्पोर्टस क्लब: ३५ षटकांत ९ बाद २१३ (राजशेखर हरिकांत ४९, प्रथमेश गावस ४३, आदित्य धुमाळ ३९, रोहित नाईक २३, आर्यन मिश्रा ३-५५, कीथ पिंटो २-३८, अमोघ देसाई २-३९) पराभूत वि. मडगाव क्रिकेट क्लब: ३३.१ षटकांत ६ बाद २१६ (अमोघ देसाई ९२, अनिकेत पोरोवाल ४५, शंतनू नेवगी नाबाद ४२, सुमीरन आमोणकर १५, शुभम देसाई ३-४१, धीरज यादव २-३८).

वैयक्तिक बक्षिसे

- अमोघ देसाई- अंतिम सामन्याचा आणि स्पर्धेचा मानकरी

- आर्यन मिश्रा- उत्कृष्ट गोलंदाज

- राजशेखर हरिकांत- उत्कृष्ट फलंदाज