दाबोळी: नवेवाडे वास्को (Vasco) येथील अमर नाईक (Amar Naik) याची प्रेम प्रकरणातून (love affair) हत्या (Murder) करण्यात आल्याची धक्कादायक माहिती समोर येत आली आहे. या प्रकरणाची सूत्रे दुबईतून (Dubai) हलवण्यात आल्याचा संशय असून, अमर नाईक याचे एका मुस्लिम मुलीवर प्रेम होते. परंतु हे प्रेम प्रकरण मुलीच्या भावाला आणि तिच्या परिवाराला मान्य नव्हते. त्यातूनच अमरचा काटा काढण्यासाठी रवि शंकर यादव याच्या हाती सूत्रे सोपवण्यात आल्याची माहिती सूत्रांकडून मिळाली.
त्यासाठी पाच लाख रुपये देण्यात आले असल्याचे समजते. या प्रकरणातील मुख्य आरोपी अजून मोकाटच असून, तो दुबईत असल्याची माहिती पुढे आली आहे. अमर नाईक खून प्रकरणातील तिसरा आरोपी रवी शंकर यादव याला पाच दिवसांची पोलिस कोठडीत ठेवण्याचा आदेश प्रथम सत्र न्यायालयाकडून देण्यात आला आहे.
हणजुणेत षड्यंत्र
अमर नाईक हत्या प्रकरणातील तिसरा आरोपी रवि शंकर यादव याला हणजुणे येथून अटक केली होती. तो राघवपूर अझमगड, उत्तर प्रदेश येथील असून त्याच्या भावाचे हणजुणे येथे हॉटेल आहे. तेथेच रवि शंकर याने हे षड्यंत्र रचले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
