Sonsodo Dump: सोनसडो कचऱ्याला पुन्हा आग, सहा महिन्यांत चौथ्यांदा घडली घटना

Sonsodo Dump सोनसडो कचरा प्रकल्पातील शेडमधील कचऱ्याला गुरुवारी (ता.२४) सकाळी आकस्मिक आग लागली. अग्निशमन दलाच्या जवनांनी माहिती मिळताच लागलीच घटनास्थळी जाऊन आग आटोक्यात आणली.

ही घटना सकाळी ७.३० ते ८ वा.दरम्यान घडली. सोनसडोच्या कचऱ्याला आग लागण्याची ही गत सहा महिन्यांतील चौथी वेळ आहे.

यापूर्वी ४ मार्च रोजी शॉर्टसर्किटमुळे, २२ एप्रिल व नंतर हल्लीच जुलै महिन्यात आग लागली होती. दोन तास शर्थीचे प्रयत्न व १२ हजार लिटर पाण्याचा वापर करून आग विझविण्यात आली होती.

सकाळी ८ वाजून २ मिनिटांनी आम्हाला आग लागल्याची बातमी मिळताच लगेच तिथे गेलो. मात्र, जेसीबीमुळे आम्हाला आत जायला थोडा उशीर झाला. तरीही आग आटोक्यात आणण्यात आम्हाला यश आले.

आग विझविण्यासाठी पाण्याचे दोन टॅंकर वापरण्यात आले. आता आग नियंत्रणाखाली असून केवळ धूर येत आहे व परिस्थितीवर आम्ही नजर ठेवून आहोत.

-हेर्कुलान सौझा, अग्निशमन दलाचे अधिकारी