Illegal Construction In Goa सरकारने राज्यात सुरू असलेल्या बेकायदेशीर बांधकामांवर हातोडा टाकण्यास सुरवात केली असून यामुळे अशा प्रकारची बांधकामं करणाऱ्यांचे धाबे दणाणले आहे.
काल म्हणजे बुधवारी (दि. 25ऑक्टोबर) हरमल येथील बेकायदेशीर बांधकाम केलेली चार मजली हॉटेलची इमारत पेडणे उपजिल्हाधिकाऱ्यांनी सील केली असून आज बार्देश सुकूर येथील बेकायदेशीर बांधकाम पाडण्याचे आदेश पंचायतीने दिले असल्याची प्राथमिक मिळालेली आहे.
या प्रकरणी गजानन चारी यांना बार्देश ग्रामपंचायतीने त्यांचे सर्व्हे क्रमांक 12/1, गाव सोकोरो मधील अनधिकृत दुमजली बांधकाम केलेली इमारत काढून टाकण्यास सांगितले होते. तसेच याकामी त्यांना 15 दिवसांचा अवधी देखील देण्यात आला होता. मात्र त्यांनी दिलेल्या वेळेत बांधकाम न पाडल्याने पंचायतीने ही कारवाई केल्याचे सांगितले जातेय.
या कारवाईमुळे साहजिकच अनधिकृत बांधकामांना आळा बसेल असा सूर उमटत आहे. सीआरझेड तसेच किनारपट्टी क्षेत्रातल्या बेकायदेशीर बांधकामांवर सरकारी यंत्रणेने कारवाई असे आदेश खंडपीठाने हरमल येथील बेकायदेशीर बांधकाम प्रकरणी दिले आहेत.
पोलीस फौजफाट्यासह पंचायतीचे अधिकारी गुरुवारी संध्यकाळच्या सुमारास ती बेकायदेशीर इमारत पाडण्यासाठी आले. मात्र सदर घर मालकाचे वय 73 वर्षे असून जे घर पाडण्यासाठी ऑर्डर काढण्यात आली होती ते त्याचे निवासी घर आहे.
संबंधित व्यक्तीला आणि त्याच्या कुटुंबाला आश्रय घेण्यासाठी कोणताही आधार नसल्याने हे प्रकरण काही कारणास्तव तहकूब ठेवण्याचा निर्णय घेण्यात आलाय.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
