महाराष्ट्रात यशस्वी झालेला युतीचा फॉर्म्युला, गोव्यातही राबवू: संजय राऊत

गोवा: विधानसभा निवडणुका काही महिन्यांवर येऊन ठाकल्या आहेत, राज्यात राजकीय घडामोडींना वेग अला असून सध्या खासदार संजय राऊत (Goa Shivsena) यांच्या एक वक्तव्यामुळे राज्यात चर्चांना वेग आला आहे.

महाराष्ट्रातील शिवसेनेचे राज्यसभा खासदार संजय राऊत (MP Sanjay Raut) यांनी आज सांगितले की, युतीबाबत गोव्यातील काँग्रेस (Congress) आणि राष्ट्रवादीच्या (NCP) नेत्यांशी चर्चा करणार आहोत. राज्यात 4 दिवसांच्या दौऱ्यावर असलेले राऊत म्हणाले, "शिवसेना गोव्यात काही जागा लढवणार असून आम्ही युती (Alliance) करण्याचा प्रयत्न करत आहोत. उद्या आम्ही काँग्रेस, राष्ट्रवादीच्या नेत्यांशी बोलणार असून आम्ही नवीन आघाडी करण्याचा प्रयत्न करू" महाविकास आघाडीचा फॉर्म्युला महाराष्ट्रात यशस्वी ठरला, तो गोव्यातही वापरणार आहोत, असेही ते म्हणाले.