Goa Beach Shack: पावसाने पाणी किनाऱ्यांवर चढू लागले, शॅक मालकांकडून मुदतवाढीचा अर्ज मागे; फटका बसल्याचे मान्य

Goa Tourism: पावसामुळे शॅक व्यवसाय मुदतवाढीसाठी पर्यटन विभागाकडे केलेला अर्ज संघटनेने मागे घेतल्याची माहिती अखिल गोवा शॅक मालक संघटनेचे अध्यक्ष क्रूझ कार्दोज यांनी दिली.
Goa Beach shack
Goa Beach shack Dainik Gomantak
Published on
Updated on

पणजी: गोव्याच्या किनारपट्ट्यांवर चालणाऱ्या शॅक व्यवसायाला अवकाळी पावसामुळे मोठा फटका बसला असून पर्यटन हंगाम संपण्याआधीच व्यवसाय थांबवावा लागल्याने शॅक मालकांत निराशा पसरली आहे.

दरम्यान, पावसामुळे शॅक व्यवसाय मुदतवाढीसाठी पर्यटन विभागाकडे केलेला अर्ज संघटनेने मागे घेतल्याची माहिती अखिल गोवा शॅक मालक संघटनेचे अध्यक्ष क्रूझ कार्दोज यांनी दिली.

सुरवातीला आम्ही पर्यटन संचालकांना अर्ज करून ३१ मेनंतर शॅक व्यवसायासाठी मुदतवाढ मागितली होती. आमची मागणी होती की, परवाना १० जूनपर्यंत वाढवावा. मात्र नंतर हवामान बदलाचे संकेत लक्षात घेऊन आम्ही स्वतःच तो अर्ज मागे घेतला, असे कार्दोज यांनी स्पष्ट केले.

कार्दोज यांनी स्पष्ट केले

कार्दोज यांनी सांगितले की, १५ मेनंतर देशी पर्यटक मोठ्या प्रमाणावर गोव्यात येऊ लागले होते. बागा, कळंगुट, कोलवा आणि बाणावली परिसरातील काही शॅक मालकांनी मुदतवाढीची विनंती केली होती, पण नंतर त्यांच्याच सांगण्यानुसार संघटनेकडून ही मागणी मागे घेण्यात आली. पावसाचे पाणी किनाऱ्यांवर चढू लागल्याने हा निर्णय घेण्यात आला.

Goa Beach shack
Goa Tourism: गोव्यात पावसाळी पर्यटनासाठी Beyond Beaches मोहिम! सण, संस्कृतीवर भर; प्रचारासाठी सोशल मीडिया मोहीम

५० टक्केच पर्यटक

पर्यटकांच्या संख्येबाबत सरकारचा अहवाल बरोबर असला तरी शॅक व्यवसायावर परिणाम झाल्याचे त्यांनी मान्य केले. ते म्हणाले की, सुमारे ५० टक्के पर्यटक शॅकमध्ये जातात आणि उरलेले समुद्रकिनाऱ्यावर थेट बसतात. त्यामुळे आम्हाला अपेक्षित व्यवसाय मिळाला नाही.

Goa Beach shack
Goa Tourism: श्रीलंका, व्हिएतनाममध्ये स्वस्त दरात चांगल्या सुविधा; गोवा पर्यटन मंत्र्यांचे वाढले टेन्शन, मान्सून पर्यटन वाढविण्यासाठी करणार प्रयत्न

शॅक भाड्याने देण्यास विरोध

हरमल परिसरात शॅक भाड्याने देण्याच्या प्रकारांबाबत संघटना सजग आहे. गोमंतकीयांना शॅक दिल्यास आमची हरकत नाही, पण बिगर गोमंतकीयांना शॅक भाड्याने दिल्यास आम्ही त्याला विरोध करणार असेही कार्दोज यांनी स्पष्ट केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com