वाळपई : सत्तरी (Satari) तालुक्यात सद्या ऑनलाईन शिक्षणाचे (Online Education) तीन तेरा वाजले आहेत. सत्तरी तालुक्याच्या ग्रामीण भागात मोबाईल मनोरा यांची सेवा विस्कळीत झालेली आहे. त्यामुळे विद्यार्थाचे (Student) शिक्षणा विषयी मोठे नुकसान होते आहे. नगरगाव ग्रामपंचायत क्षेत्रातील साट्रे, देरोड, कोदाळ या अगदी दुर्गम ग्रामीण गावात रेंजची चांगली सेवा नसल्याच्या कारणावरून आज मंगळवारी वरील गावच्या सुमारे पंचवीस तीस विद्यार्थांनी वाळपईतील भारत संचार निगम सरकारी कंपनीच्या कार्यालयावर धडक देऊन कैफियत मांडली.
मोबाईल मनोरा वरील गावच्या परिसरातील चांगली सेवा देत नसल्याने मुलांना ऑनलाईन शिक्षण घेण्यासाठी मोठी अडचण ठरत आहे. त्यामुळे मुलांना दहा पंधरा किलोमीटर बाहेरील गावात जाऊन रेंजसाठी धडपडावे लागते आहे. सरकारी धोरणाचा मोठा फटका सद्या मुलांना बसलेला आहे. ऑनलाईन शिक्षणासाठी धोरण आखताना आधी ग्रामीण भागातील मोबाईल रेंजची सेवा सुरळीत करणे आवश्यक होते. पण तसे न करता सरकारने थेट ओनलाईनला प्रोत्साहन दिले. नगरगाव पंचायत क्षेत्रात बर्याच गावात मोबाईल रेंजची त्रेधा तिरपीट झाली आहे. त्यामुळे विद्यार्थां समोर शिक्षणाचा मोठा प्रश्न बनला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
