Tiger Reserve: व्याघ्र प्रकल्प; मुदतवाढीसाठी सरकारचा अर्ज

Goa Tiger Reserve: व्याघ्र प्रकल्प घोषित करण्यासाठी उच्च न्यायालयाने दिलेली मुदत २४ ऑक्टोबरला संपत असल्याने ती वाढवण्यासाठी शुक्रवारी सरकारतर्फे अर्ज सादर करण्यात आला. या अर्जावरील सुनावणी सोमवारी (२३ ऑक्टोबर) सुनावणीस येण्याची शक्यता आहे.

या प्रकल्पाला सर्वोच्च न्यायालयात आव्हान दिलेल्या विशेष याचिकेवरील सुनावणी १० नोव्हेंबरला ठेवल्याने तोपर्यंत ही मुदतवाढ द्यावी, अशी विनंती अर्जात केली आहे.

यासंदर्भात ॲडव्होकेट जनरल देविदास पांगम म्हणाले की, हा प्रकल्प घोषित करण्याच्या निवाड्याला सरकारने सर्वोच्च न्यायालयात आव्हान दिले आहे.

...तर अवमान याचिका दाखल

याप्रकरणी सुनावणी १० नोव्हेंबरला ठेवली आहे. तोपर्यंत मुदतवाढ द्यावी, अशी विनंती केली जाणार आहे. या अर्जावरील सुनावणीवेळी न्यायालय काय निर्णय देते, यावर सरकारची पुढील भूमिका ठरेल.

दुसऱ्या बाजूने मुदत टळून गेल्यानंतर अवमान याचिका सादर करण्याची तयारी गोवा फाऊंडेशनने ठेवली आहे.