Goa Science Festival : विज्ञान समाजापर्यंत पोचणे आवश्‍‍यक : प्रो. सुनील कुमार सिंह

मिरामार येथे गोवा विज्ञान महोत्सवाचे उद्‌घाटन
Goa Science Festival 2023
Goa Science Festival 2023Dainik Gomantak

Goa Science Festival : विज्ञान आणि समाज एकमेकांबर अवलंबून आहे. देशाच्या विकासासाठी, आत्मनिर्भरतेसाठी नागरिकांना विज्ञानाचे महत्त्व समजणे गरजेचे आहे. विज्ञानाने केलेली प्रगती, तसेच त्याचे फायदे आदींची माहिती केवळ वैज्ञानिकांपर्यंत सीमित न राहता ती समाजापर्यंत पोहोचली पाहिजे. त्यासाठी अशा प्रकारच्या विज्ञान महोत्सवाचे आयोजन गरजेचे आहे, असे प्रतिपादन राष्ट्रीय समुद्र विज्ञान संस्थेचे संचालक प्रो. सुनील कुमार सिंह यांनी केले.

मिरामार विज्ञान केंद्रात विज्ञान महोत्सवाच्या उद्‌घाटन सोहळ्यात सिंह बोलत होते. यावेळी फ्रेंड्स ऑफ ॲस्ट्रॉलॉजीचे अध्यक्ष सतीश नायक व कार्यक्रम समन्वयक विलास चौधरी उपस्थित होते.

Goa Science Festival 2023
Goa Traffic Police : कारवाई 900 रुपयांची पण पावती 500 रुपयांची; गोव्‍याची बदनामी

जे पुस्तकांमध्ये आहे तेवढेच विज्ञान नाही. आई जे जेवण बनविते, ते देखील विज्ञान आहे. कुतुहलाने पाहिल्यास विज्ञानाचे महत्त्व समजेल. विद्यार्थ्यांनी मोबाईलपेक्षा पुस्तके वाचली पाहिजेत, असे नायक म्हणाले.

"विजेमुळेही अनेक समस्‍या निर्माण होत असतात. दरवर्षी जगभरात पाच अब्ज दूरध्वनींचे उत्पादन केले जाते. त्याच्या निर्मितीसाठी सोने, चांदी तसेच इतर दुर्मीळ खनिजांचा वापर केला जातो. आपल्याकडे ही खनिजे नसतील तर इतर देशांवर अवलंबून रहावे लागते. आम्ही पेट्रोलियम उत्पादनांसाठी इतरांवर अवलंबून आहोत. यासाठी विज्ञान आणि समाज एकत्र येऊन त्‍यावर चर्चा होणे गरजेचे आहे."

- प्रो. सुनील कुमार सिंह, राष्ट्रीय समुद्र विज्ञान संस्थेचे संचालक

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com