साखळी : राज्यभरात सध्या सर्वत्रच कोसळणाऱ्या पावसामुळे सर्वच नद्यांच्या पातळीत बरीच वाढ झाली आहे. साखळीतील वाळवंटी नदीचीही पातळी बरीच वाढली असून गुरूवारी संध्याकाळी बाजारातील पाणी बाहेर फेकण्यासाठी पंपिंग प्रक्रिया सुरू होती. दोन पंप सुरू करण्यात आले होते. सध्या नदी दुथडी भरुन वाहत आहे. पावसाचा मारा सतत सुरूच राहिल्यास साखळी व परिसरात पूरपरिस्थिती निर्माण होण्याची भीती वर्तवली जात आहे.
goa sakhli monsoon heavy rain water river overflow fear of flood situation in the chain and area.
साखळीतील वाळवंटी नदीची पातळी गुरुवारी संध्याकाळी ३ मीटरपर्यंत पोहोचली होती. तसेच बाजारातील नाल्याची पातळीही ३ मीटरच होती. त्यामुळे पंप सुरू करून पाणी नदीत फेकण्याची प्रक्रिया सुरू करण्यात आली होती. परंतु साखळीत दिवसभर संततधार पावसाचा मारा सुरूच होता. पाऊस जर रात्रभर जोरदारपणे पडतच राहिला तर साखळीत पूरस्थिती उद्‍भवण्याची भीती आहे.
जलस्त्रोत खात्याची यंत्रणा सज्ज
कोणत्याही आपत्कालीन परिस्थितीचा सामना करण्यासाठी जलस्रोत खात्याची पूरप्रतिबंधक यंत्रणा सज्ज झाली आहे. साखळी बाजारात साचणारे पाणी पंपिंग करून नदीत फेकण्याची प्रक्रिया सलगपणे हाती घेतली जाणार आहे. शक्यतो पुराचा धोका उद्‍भवू नये यासाठी प्रशासकीय यंत्रणा सज्ज झाली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.