गोव्याची हरहुन्नरी पॅरा अॅथलीट साक्षी काळे हिने सहाव्या भारतीय खुल्या पॅरा अॅथलेटिक्स आंतरराष्ट्रीय स्पर्धेत टी-12 (अंधत्व) प्रकारात सुवर्णासह एकूण तीन पदके जिंकली. स्पर्धा बंगळूरमधील श्री कांतीरवा स्टेडियम संकुलात झाली.
उसगाव येथील 19 वर्षीय साक्षी लांबउडीत विजेती ठरली. या सुवर्णपदकाव्यतिरिक्त तिने 100 मीटर शर्यतीत उपविजेतेपदाचे रौप्यपदक, तर 200 मीटर शर्यतीत तिसऱ्या क्रमांकासह ब्राँझपदक पटकावले.
बंगळूरमधील स्पर्धा भारतीय पॅरालिंपिक समितीतर्फे घेण्यात आली होती. साक्षी खांडोळा सरकारी महाविद्यालयात शिकते. बंगळूरमधील स्पर्धेत सहभागी झालेली ती गोव्याची एकमेव महिला पॅरा अॅथलीट होती.
गतवर्षी बंगळूर येथेच झालेल्या पाचव्या इंडियन ओपन पॅरा अॅथलेटिक्स आंतरराष्ट्रीय स्पर्धेत साक्षीने महिलांच्या 100 मीटर शर्यतीत रौप्यपदक जिंकले. तिचे ते पहिलेच आंतरराष्ट्रीय पदक ठरले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.