Goa Fatal Accident: पर्वरीत दोन दुचाकींची समोरासमोर धडक, एकाचा मृत्यू तर एक गंभीर

Goa Fatal Accident: आठवड्याच्या सुरुवातीलाच रस्ते अपघातात एका युवकाचा दुर्दैवी मृत्यू झाल्याची घटना घडलीय. राहुल खडपे असे मृत झालेल्या युवकाचे नाव आहे.

या घटनेसंबंधी मिळालेल्या प्राथमिक माहितीनुसार पर्वरी सुकूर दत्तमंदिर येथे हा अपघात घडला असून रितेश कांबळे (वय 46. रा. पर्वरी) हा आपल्या ताब्यातील हिरो होंडा ग्लॅमर बाईक घेऊन सुकूर पंचायतीकडून चर्चकडे जात होता.

तर त्याचवेळी राहुल खडपे (वय 31 रा. 20 पॉईंट पर्वरी) हा आपल्या ताब्यातील केटीएम बाईकने चर्चकडून पंचायतीकडे जात होता.

सुकूर दत्तमंदिर येथे पोहोचताच त्या दोघांची एकमेकांना धडक बसली. घटनेची माहिती मिळताच आसपासच्या लोकांनी दोघानांही तात्काळ उपचारासाठी हॉस्पिटलमध्ये दाखल धाव घेतली.

राहुल खडपे याला गोवा मेडिकल कॉलेज येथे दाखल करण्यासाठी नेत असताना वाटेतच त्याचा दुर्दैवी मृत्यू झाला. रितेश कांबळे याचीही प्रकृती गंभीर असून त्याला हॉस्पिटलमध्ये दाखल केले आहे. घटनांसाठी पोलीस पोहोचले असून पुढील तपास सुरु आहे.

हे दोन्ही दुचाकीस्वार भरधाव वेगात असल्यानेच हा अपघात घडल्याची माहिती मिळाली आहे.

दरम्यान काल रविवारी (14 जानेवारीला) सिर्ली धर्मापूर येथे भरधाव वेगात जाणाऱ्या कारचालकाचा रस्त्याचा अंदाज चुकल्याने कार झाडावर आदळून चालकाचा उपचारा दरम्यान मृत्यू झाल्याची घटना घडली होती.

गोव्यात रस्ते अपघातात बळी जाणाऱ्यांची संख्या दिवसेंदिवस वाढत असून यात वाहतुकीचे नियम न पाळल्यानेच असे अपघात घडत असल्याचे दिसून आलंय.