CM Pramod Sawant: राज्‍यातील वाढते अपघातबळी हा चिंतेचा विषय ठरला असून त्‍या पार्श्वभूमीवर मुख्‍यमंत्री डॉ. प्रमोद सावंत यांनी महत्त्‍वाचे विधान केले आहे. ‘अपघातांवर नियंत्रण ठेवण्यासाठी पोलिस व वाहतूक खात्याने काही उपाय सुचवले आहेत.
त्‍याची प्रत्‍यक्षात अंमलबजावणी व उपयुक्‍तता दिसण्‍यासाठी किमान दोन महिन्यांचा कालावधी लागेल. त्‍या संदर्भात नुकतीच बैठक झाली असून, त्‍यात कृती आराखडा ठरला आहे’, असे मुख्‍यमंत्री म्‍हणाले.
राजधानी पणजीत कारखाने आणि बाष्पक खात्याच्या नवीन इमारतीची आज पायाभरणी झाली. याप्रसंगी पत्रकारांनी विचारलेल्‍या प्रश्‍‍नांवर ते बोलत होते. ‘बांधकाम खात्याने आवश्‍‍यक जागी गतिरोधक उभारण्‍याचे काम हाती घेतले आहे’, असेही सावंत म्‍हणाले. राज्‍यात वर्षभरात 270हून अधिक अपघातबळी झाले असून, दरदिवशी लहान-मोठे अपघात होत आहेत.
सध्या पर्यटन हंगाम सुरु झाला असून देशविदेशातील पर्यटक गोव्यात येत आहेत. सर्वसाधारण निरीक्षणानुसार दरवर्षी याच कालावधीत रस्ते अपघातांचे प्रमाण जास्त असते. यामध्ये वाहतूक सिग्नलचे पालन न करणे, भरधाव वेगात गाडी चालवणे, रस्त्यांचा अंदाज न येणे अशा अनेक कारणास्तव अपघात होत असतात. याच कारणास्तव मुख्यमंत्र्यांनी महत्वाची माहिती दिलीय.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.