Goa River Survey येत्या जुलै महिन्यात गोव्यातील मांडावी, झुआरी, तेरेखोल आणि शापोरा या नद्यांच्या पाण्याचा अभ्यास करण्यात येणार असल्याची माहिती देण्यात आली आहे. दोनपावला येथील राष्ट्रीय समुद्र विज्ञान संस्थेच्यावतीने हा अभ्यासपूर्ण सर्वेक्षण कार्यक्रम केला जाणार आहे. सागरी अभियंता आणि जहाज सर्वेक्षक ऑक्टाव्हियो रॉड्रिग्ज यांनी यासंबंधी माहिती दिली आहे.
19 आणि 27 जुलै रोजी मांडावी नदीत पणजी येथील फिशरीज जेट्टी येथे, 21 आणि 29 जुलै रोजी झुआरी नदीत बोरी येथील पुलाखालील बाजूस, 22 आणि 30 जुलै रोजी तेरेखोल केरी येथील आरोंदा पुलानजीक 20 आणि 28 जुलै रोजी शापोरा नदीत कोलवाळ- धारगळ पुलानजीक पाण्याचा अभ्यास करण्यात येणार आहे.
या दरम्यान प्रवासी लाँच, फेरी बोटी, मासेमारी ट्रॉलरचे टिंडेल, पर्यटक बोटी, क्रूझ बोटी इत्यादींनी या नद्यांमधून प्रवास करताना खबरदारी घेण्याची आणि सुरक्षितरित्या प्रवास करण्याची सूचना करण्यात आली असून गस्त नौकांनी दिलेल्या सूचनांचे पालन करण्याचे आवाहन देखील बंदरे, जहाज वाहतूक खात्याकडून देण्यात आल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
