Goa Corona Update: गोव्यासह देशातील विविध राज्यात जेएन-1 व्हेरिएंटच्या कोरोना रुग्णांची वाढ होत आहे. राज्यात यापूर्वी 19 रुग्णांची नोंद झाली होती. दरम्यान, गेल्या 24 तासांत राज्यात नव्याने एकही कोरोना बाधित रुग्णांची नोंद झाली नसल्याने मोठा दिलासा मिळाला आहे.
गोवा आरोग्य विभागाच्या वतीने प्रसिद्ध करण्यात आलेल्या आकडेवारीनुसार, गेल्या 24 तासांत 28 नमूने तपासण्यात आले. त्यापैकी एकही नमूना सकारात्मक आलेला नाही. सध्या घडीला गोव्यात 37 सक्रिय कोरोना रुग्णांवर उपचार सुरु आहेत. राज्याचा रिकव्हरी रेट 98.46 टक्के एवढा झाला आहे.
जेएन-1 व्हेरिएंटच्या आकडेवारीबाबत संभ्रम
देशात कोरोनाच्या जेएन-1 या नव्या व्हेरिएंटचे गोव्यात सर्वाधिक म्हणजेच 34, तर महाराष्ट्रात 9, कर्नाटकात 8, केरळात 6, तामिळनाडूत 4 आणि तेलंगणात 2 रुग्णांचा समावेश आहे.
मात्र, गोव्यातून कोविडचा उपप्रकार जेएन -1 रुग्णांची संख्या 19 इतकी पाठवण्यात आली होती. मात्र केंद्रस्तरावर हा आकडा दोनदा मोजला गेला असून गोव्यातील रुग्णसंख्येबाबत गोंधळ झाला, अशी माहिती गोमेकॉचे डॉ. प्रशांत सूर्यवंशी यांनी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.