पणजी: उत्तर बंगालच्या उपसागरावर पुढील २४ तासांत चक्रीय वारे (cyclonic circulation) निर्माण होण्याची शक्यता हवामान खात्याने वर्तवली आहे. या हवामानीय स्थितीचा परिणाम म्हणून गोवा राज्यात २८ जुलैपर्यंत पावसाची तीव्रता मोठ्या प्रमाणात वाढू शकते, असा इशारा गोवा वेधशाळेने दिला आहे.
त्यामुळे आज गुरुवार, २४ जुलै रोजी गोव्यात 'रेड अलर्ट' जारी करण्यात आला असून नागरिकांनी सतर्क राहावे आणि आवश्यक ती खबरदारी घ्यावी, असे आवाहन प्रशासनाकडून करण्यात आले आहे.
गेल्या २४ तासांत गोवा राज्यात सरासरी ३.४१ इंच पावसाची नोंद झाली असून यामुळे राज्यातील एकूण पावसाची पातळी ७०.४८ इंचांवर पोहोचली आहे. यंदाच्या मान्सूनमध्ये हे प्रमाण सरासरीच्या तुलनेत ५ टक्क्यांनी अधिक आहे, ही चिंतेची बाब मानली जात आहे.
दाबोळी – ४.५१ इंच (सर्वाधिक)
मुरगाव – ४.२२ इंच
पणजी – ४.१२ इंच
जुने गोवा – ३.८७ इंच
काणकोण – ३.७७ इंच
फोंडा – ३.६६ इंच
मडगाव – ३.२४ इंच
म्हापसा – २.९५ इंच
धारबांदोडा – २.६१ इंच
सांखळी – २.५८ इंच
हवामान विभागाने पुढील काही दिवसांत जोरदार पाऊस, वीजांचा कडकडाट आणि काही ठिकाणी पूरजन्य स्थिती निर्माण होण्याची शक्यता वर्तवली आहे.
विजेचा धोका, पुराचे संभाव्य प्रमाण, झाडे किंवा वीज तारांच्या संपर्कात येणे टाळावे, अशा सूचनाही प्रशासनाकडून देण्यात आल्या आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.