Goa Ranchi Flight: गोवा-रांची विमानसेवा कधी सुरु होणार? थेट सेवा नसल्याने होतोय 'एवढा' खर्च

पणजी: गेल्या वर्षी प्रवाशांच्या अल्प प्रतिसादामुळे बंद पडलेली गोवा-रांची विमानसेवा सुरू होण्याची चिन्हे नाहीत. विमान वाहतूक नियामक महासंचालनालयाने मान्यता देऊनही अद्याप या विमानसेवेची घोषणा करण्यात आलेली नाही.

इंडिगो कंपनीकडून ही विमान सेवा चालवली जाणार आहे. सध्या गोव्यातून रांचीला (Ranchi) जाण्यासाठी थेट विमानसवा नसल्याने इतर शहर मार्गे जावे लागते आणि हा प्रवास दहा ते बारा तासांचा होतो. विमान तिकीट हे १४ ते ३० हजार रुपयांचे होते.

थेट विमान सेवा सुरू झाली तर हा प्रवास दोन ते तीन तासांवर येणार आहे. यापूर्वी डिसेंबरमध्ये गोवा (Goa) ते राज्य थेट विमानसेवा सुरू होणार अशी घोषणा करण्यात आली होती. मात्र अद्याप ही सेवा चालवणाऱ्या इंडिगो कंपनीकडून प्रत्यक्षात ई-सेवा कधीपासून उपलब्ध होईल याविषयी कोणतेच जाहीर सुतोवाच करण्यात आलेले नाही.